「呃錢男」再現轉戰聯和墟「搵食」 苦主兩年前被騙今認出即報警
發佈時間：22:03 2025-02-08 HKT
多次「作故仔」扮可憐行騙的一名中年漢，自去年12月底被發現在大埔廣場呃錢後，消聲匿跡，直到今日（8日）轉戰到粉嶺聯和墟「搵食」時，遭往日的苦主認出。有苦主對於「呃錢男」重施故技，繼續用多個理由博取他人同情騙財感到憤怒，於是暗中報警，「希望可以盡到市民嘅責任，唔好咁多人受害」。
市民Emily在粉嶺聯和墟經營寵物美容店多年，兩年前一名中年漢走入店內，聲稱自己出門外掉垃圾時，強風將大門吹到關上，需要借500元搭的士到弟弟位於西貢的工作地點取鎖匙。Emily指該名男子態度非常誠懇，完全不似騙徒，加上又表示可以放低身份證作抵押，令她減低戒心，「我諗住好心，就話你嗰500蚊都未必夠，不如你拎1000蚊啦」。不過，該名男子去如黃鶴，多日來未有還錢，Emily始知被騙。
疑食髓知味再呃錢
至今日傍晚，一名身穿黑色外套、短褲及踢拖的男子走入寵物店，聲稱自己飼養一隻拉布拉多犬，現時希望再養一隻狗，希望問Emily的意見，「嗰陣時得我一個人，佢就同我閒聊，咁啱我個男同事喺廁所行出嚟，之後就急急腳走咗」。Emily的同事認出該男子就是早前在大埔廣場行騙的「呃錢男」，同時亦是兩年前騙取Emily的該名中年漢。
Emily的同事立即在附近兜截，發現「呃錢男」在旁邊的眼鏡舖「搵食」，希望借數十元用來搭車，「我即刻WhatsApp眼鏡舖嘅老細，同佢講條友呃錢，之後叫佢拖住先，我就即刻報警」。眼鏡舖的東主得知面前的中年漢是騙徒，以「新年流流我唔借錢」為由婉拒，「呃錢男」得知事敗立即離開。
Emily擔心「呃錢男」離開現場，立即上前施展「拖字訣」，「我問佢係咪想養唐狗仔，之後呃返佢入寵物店，希望可以等到警察嚟」，惟「呃錢男」疑洞悉Emily的意圖，以「今日好凍要回家著衫」為由急步離開，「我同事跟住佢尾，發現佢去咗和泰街一間頭療舖度坐低咗，同老闆娘講自己中咗風想買藥，之後警察到場，我就帶佢哋過去」。警方到場調查，將「呃錢男」帶走調查。
用不同籍口搏同情 苦主施「拖字訣」等警察到場
對於「呃錢男」重施故技，繼續用多個理由博取他人同情騙財，Emily感到憤怒，對《星島頭條》表示希望警察可以將他繩之以法，「希望可以盡到市民嘅責任，唔好咁多人受害」。
警方接示，今日傍晚6時38分接獲一名姓盧女子報案，指數年前被一名男子騙走1000元，之後失去聯絡。今日該名男子再次到場，她認出對方是騙徒，於是向警方求助。警方到場調查，發現盧女自願借錢，加上該名男子表示沒有能力償還，認為案件沒有刑事成份，暫列「糾紛」處理。
翻查資料，「呃錢男」於去年12月利用類似手法在大埔廣場呃錢，訛稱自己身世悽慘，需借錢搭車回家，結果多人被他七情上面的「苦情戲」所騙，至少二人中招，有苦主已報警求助。
「呃錢男」先後兩次涉嫌「以欺騙手段取得財產」被捕，2017年9月以同一手法涉5宗街頭行騙案被捕，當年有受害人在網上公開騙錢男「梁×光」的騙術，指騙徒專向小店女職員埋手，利用他人同情心行騙。至2022年，「呃錢男」先後在上水、灣仔、觀塘至少涉3宗街頭行騙，18歲苦主被騙1,000元，另外兩人共被騙走1,300元，2022年5月12日在元朗被捕。
「呃錢男」的行騙手法大同小異，主要是向小店埋手，利用別人的同情心，其中一個藉口是聲稱外出時住所大門被大風關上，身上沒有帶錢包、電話及鎖匙，無法返回住所，打算乘的士到某處找其家人拿後備鎖匙，為表誠意甚至簽下「借據」，但留下的聯絡電話及地址全是虛構。
據了解，「呃錢男」於十多年前已開始行騙，有網民踢爆：「嗰時做寵物店，佢同我同事講佢自己係某隻狗嘅主人，住樓上話反鎖左（咗）門返唔到屋企，借$300搭的士搵佢個做懲教嘅細佬拎鎖匙，返黎（嚟）還返錢又係抄低晒電話身份證資料之後一去冇回頭，同事一日嘅人工咁就無左（咗）」。
根據本港法例，任何人如觸犯香港法例第210章《盜竊罪條例》第17條「以欺騙手段取得財產」罪，最高刑罰為監禁10年。
