After You結業｜港男啟德分店排隊「排到嬲」！等足1.5小時 怒轟招牌刨冰售罄不通知：明知賣晒又唔早講
發佈時間：14:51 2025-04-25 HKT
泰國過江龍After You Dessert Cafe宣佈全面撤出香港，繼灣仔旗艦店結業後，位於啟德AIRSIDE的最後一家分店亦將於4月27日停止營業。不少市民趕在啟德分店希望在結業前光顧，門外因而出現長長的人龍。惟有網民批評餐廳安排混亂，指自己等足1.5小時才發現招牌刨冰已售罄，怒轟店員沒有通知排隊顧客：「明知賣晒又唔早講」，即看下文了解詳情。
港男After You啟德分店等足1.5小時 店員安排失當「排到嬲」
After You Dessert Cafe在泰國擁有極高人氣，是港人遊泰的必食甜品店之一，其中蜜糖吐司及日式刨冰更是店內的高人氣之選。不過近日品牌宣佈全面撤出香港，最後一間位於啟德AIRSIDE分店也只營業至本周日（27日）。
近日，有網民在Threads上發文，稱當日因其他事務到訪啟德AIRSIDE，於是順道前往After You欲品嚐其招牌刨冰。從事主分享的照片可見，現場出現排隊長龍，人龍更是從店舖門外排到商場外面。
事主在下午6時20分開始排隊，「排到7點半先終於排到條隊嘅前半部分」。此時，店員突然宣佈「截龍」，告知隊伍後段的顧客即使繼續排隊亦無法入座，並請他們離開。事主當時心想，明明店員有持續統計人數，但卻沒有提早通知排隊顧客，令他們白白浪費排隊時間，「嗰陣啲人可能都排咗45分鐘至1個鐘，其實你一早mark住係咪可以早啲講。」
港男怒轟招牌刨冰售罄不通知：明知賣晒又唔早講
此時，事主突然聽到後方情侶討論，指招牌刨冰已經售罄，「我心諗點解佢地（哋）會知呢？原來係最後面啲人問職員，個職員同佢地（哋）講，話刨冰已經賣晒！」事主隨即怒斥餐廳安排失當，「你主打嘅刨冰賣晒，係咪應該同成條隊啲人講聲呢？講緊條隊仲排緊20至30人！」
事主認為，如果店方明知刨冰已售罄，理應第一時間向排隊顧客清楚告知，而非任由顧客在不知情下繼續等待，「排到我咁啱賣晒is ok，但係你明知賣晒但又唔早啲同人講係好worse」，更失望表示「你咁大間After you，冇理由唔知自己係賣刨冰啩？」
圖片及資料來源：Threads@gagraixdd、Facebook@After You Dessert Cafe
文：Y
延伸閱讀：After you｜4.27啟德AIRSIDE店結業 全面撤出香港 網民嘆：咁好生意都做唔住
