37歲高海寧公開入院原因！頭部多處有硬塊再現鬼剃頭：死啦，咩事呢？
發佈時間：12:30 2024-05-02
37歲高海寧去年憑《新聞女王》人氣急升，在內地也越來越受歡迎，現時她更要兩邊飛，北上拍攝內地真人騷《無限超越班》第二季，亦要趕拍TVB新劇《武林》。高海寧上月突在IG限時動態上載一張睡在病床的照片，令人擔心其健康狀況，近日她受訪時就講到病情，更自爆再次有鬼剃頭情況。
相關閱讀：高海寧突發入院瞓病床照片曝光！月初頸部有硬塊求救 直認身體響警號
高海寧公開病情：
高海寧近日回到TVB拍劇，她接受娛樂新聞台訪問時被問到上次入院一事時說：「我好突然㗎，我係拍完《無限超越班》嘅通宵之後第二日，坐飛機返嚟，跟住我就喺度按我條頸啦，咦，乜有粒咁大嘅嘢，因為之前嗰晚都係四點幾先瞓吖嘛，跟住之後咁大粒嘅？硬硬地㗎喎仲要係，嗰陣真係比而家凸好多，跟住就好驚啦。摸落去頭皮呢個位，呢兩忽呢係兩大嚿硬塊，跟住痛喎！然之後㷫㗎成個頭皮，跟住我就死啦，咩事呢？」
高海寧曾兩度鬼剃頭
之後高海寧又被媽咪發現到有鬼剃頭，她說：「我之前試過鬼剃頭兩次，我最近又有咁嘅跡象，咁我知道係壓力，所以其實個心……即係我唔係話好徬徨嘅，但係我知道我要抽時間去醫院Check，咁跟住劇組好好啦，叫我去醫院，即係大家都唔想你有事咁樣，所以就放咗我幾日假去醫院，所以我先有時間入院去Check，Check到出嚟Touch wood唔係嚴重嗰邊嘅可能性已經好好多，但醫生都話要Mon住，咁而家都仲喺度（硬塊），咁可能都需要畀多啲時間，咁醫生就話你最好呢就係可以休息」。
高海寧攰到要入院？
可惜因工作已排得密密麻麻，休息對大忙人高海寧來說似乎有點難度，她指：「幾辛苦工作都好啦，身體都係最重要嘅，我覺得最緊要保持個心情，我係一個好容易緊張同埋焦慮嘅人，特別係當工作咁高強度嘅時候呢，下下都要保持你一百分狀態嘅時候你就會將自己Push到好盡，咁呢樣嘢就會導致我成日好掹緊好大壓力，我覺得我要調節返個心態要放鬆啲。同一時間《無限超越班》嗰邊又拍緊，嗰邊又係好高強度啦，加埋廠景我諗我幾乎連續大半個月都係凌晨四、五點鐘瞓，好多時都係凌晨一點鐘先收工，五點鐘就出發去機場，要咁樣先趕得切飛返香港開工，好多時一落機就要即刻開工，但係享受嘅，從來都未試過咁忙嘅，其實算唔算係Happy problem呢？都算係嘅，但係要調節返自己嘅心情囉。」
高海寧嚇親吳鎮宇袁詠儀
在《無限超越班2》表現備受網民讚賞的高海寧，在最新一集中與內地小鮮肉王鏘談情說愛，二人更在鏡頭前真咀，令導師吳鎮宇及袁詠儀大吃一驚。兩人在河邊閒聊培養感情時，談到擇偶問題，高海寧自爆：「我超級慕強，遇到甚麼問題他能幫我解決，他是個很有思想，很有才華，很有頭腦的人，我是那樣的。」正於室內看他們培養默契的好友佘詩曼即指：「她（高海寧）想要男人一點的感覺，成熟一點。」
其他文章：
高海寧晒索爆母女照！父母女人街擺檔曾涉賣假貨被捕 一度自責養不起家人
高海寧久違晒完美曲線蠱惑角度凸顯豐滿身材 超貼身衫令網民心心眼
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
