山姆超市熱潮不再? 官方宣布月底暫停香港直郵 大灣區KOL西DorSi解構箇中原因
發佈時間：19:15 2025-04-23 HKT
去年，深圳山姆、Costco兩大倉儲式超市成功掀起一波熱潮，成為不少港人北上掃貨指定行程，超市方面也推出不少港人專屬優惠、服務搶客，其中山姆更在去年6月推出跨境直郵服務，方便香港消費者選購商品。然而，山姆會員店日前在會員應用程式內宣布，將於月底（30日）正式終止有關服務。
山姆超市宣布月底終止「香港跨境直郵服務」
去年6月，山姆超市乘港人熱潮，開通跨境直郵服務，更推出「次日送達」的速運模式。不過，事隔不足一年，有香港山姆會員就在網上分享，官方公告該服務將於4月30日正式終止。
據公告內容，山姆會員店表示由於「香港跨境直郵服務在經過一段時間的試運營後，尚未能達到山姆的服務標準」，因應業務調整，遂終止跨境直郵服務。同時，公告提及消費者可於服務終止前，撥打客服熱線尋求協助。分享有關消息的香港會員，對此直言，「應該冇乜香港人用哩個服務終於都玩完…講真運費都唔算平我都冇用過，而且連零食都運唔到更加冇興趣」。
網民嫌直郵限制多多：好多嘢買唔到
其他網民亦紛紛留言表示，有關服務限制過多，例如「用app買好多新鮮野都無得買，始終要現場買」，以及「一開始嗰陣，都搵唔到冰鮮或者新鮮食材，連黑松露餅乾都買唔到」，反映服務未能滿足港人對新鮮食材及特色商品的需求。
另外，亦有人認為影響不大，直言「仲山姆？過哂氣啦」，顯示該服務在香港的吸引力已逐漸下降。另有網民建議，「佢揀個近口岸嘅地方開好過啦，到時港人自己買完自己搬返香港」，認為實體店更能滿足消費需求。同時，部分網民提到香港的進口限制，「好多野買唔到，香港唔比佢入」，進一步凸顯跨境服務的運營挑戰。
西DorSi直言：服務本身唔吸引
上月獲政府委任為「律政司粵港澳大灣區專責小組」成員的居深港人YouTuber「西DorSi」回覆《星島頭條》表示，山姆暫停有關服務屬意料中事，他直言「其實本身跨境直郵都好廢，好多嘢都唔送得，已經好唔吸引」，加上港人對山姆的熱情已有所減退，續會人數大減， 所以山姆選擇取消相關服務，以節省成本都不足為期；他又指出平台服務其實面臨不少競爭「基本上得啲日用品可以送，不過好多香港人屋企其實放唔落咁大嘅量，寧願幫襯其他網購平台，雖然冇咁抵，但份量細啲，至少放得落」。
資料來源：Costco山姆開心share、西DorSi偽中產生活態度
延伸閱讀：山姆直郵｜山姆超市網店App開通直送香港服務！運費價錢/配送時間/送貨地點/會員制度一文睇清
