TVB綠葉李忠希曾奪男歌手獎年賺百萬揸名車稱盜版拖累打回原型

更新時間：16:17 2022-09-22
發佈時間：16:17 2022-09-22

李忠希在2021年宣佈離開TVB向外發展，近日接受抖音網紅訪問。入行超過廿多年的李忠希，已故的唐奕聰（Gary）是他的表哥，當年擔任助手的他，在表哥的鼓勵下，於1996年推出過專輯《太著緊》，成功奪得商台「叱咤樂壇生力軍男歌手」銅獎。由於人氣急升，工作很快便接踵而來，試過一年搵過百萬，更豪買跑車揸，租住過萬元的樓居住，實在令不少人羨慕。

不過其後李忠希澄清未有試過搵過百萬：「嗰陣啱啱入行搵4千，之後搵1萬就出唱片，最高峯月入10萬，我本身係屋村仔出身，突然搵到幾萬蚊就好開心，由細到大都好想自己住，跟住買架跑車揸吓，點知開心咗一年，翻版嚟嘅時候冇嘢做又打回原型，嗰陣時租樓都成問題，連架跑車仲要蝕賣，之後搬番阿媽都住。」

之後李忠希報讀藝訓班，同一時間做演員兼保險員，參與不少劇集之演出，《識法代言人》、《Only You 只有您》、《點解阿Sir係阿Sir》、《回到三國》等，2012年曾轉投HKTV發展，可惜演藝事實發展平平，不過最幸福係娶到個靚老婆，婚後生了一個女，本來有人找他到內地工作，但由於女兒李宇喬（QQ）正值成長時期，所以婉拒對方這個好意：「我太太同個女都對我好依賴，唔能夠走咗去好耐唔返嚟，變咗集中喺香港到工作。」他還稱人民幣當然吃香，但對他來說，女兒更加重要：「我個女而家得10歲，過多幾年就唔痴我，我寧願多啲時間陪屋企人。」

【其他閱讀】：

陳煒絕美婚紗照曝光！DeepV大露背極性感下周一嫁醫生男友

羅家英舊片出土爆汪明荃女追男甜笑重提：攬住錫咗我一啖

MIRROR演唱會丨Mo女友Soching近照曝光瘦至皮包骨與友人擁抱

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ