MIRROR演唱會丨張梓峯自責救唔到阿Mo想道歉意外創傷令壓力倍增

更新時間：18:00 2022-09-22
發佈時間：18:00 2022-09-22

MIRROR於7月底舉行的演唱會，開至第4場時發生墮屏意外，壓傷舞蹈員阿Mo（李啟言）及張梓峯，前者仍然留醫中，後者亦持續進行治療。今日凌晨，一班有份參與MIRROR演唱會的舞蹈員相約與阿Mo女友So Ching（蘇芷晴）見面，不少舞蹈員都將照片上載社交網，並發表感想。張梓峯就以長文表達內疚及自責的心情，並透露意外後情緒受到極大影響。

【點擊睇舞蹈員與阿Mo女友So Ching見面照片】

張梓峯於IG寫道：「災難發生左差唔多2個月……我同我地咁多個人仲等緊一個真相……」又透露見到阿Mo父親當刻內心好複雜，因為他對於未能救到阿Mo而感到內疚，「望住佢地屋企人同蘇晴心力交瘁嘅樣而覺得心痛……我好想同佢講一聲『對唔住，我當時救唔到阿Mo……』，每日當我起身、食飯、睇醫生……好似一個正常人嘅時候，我都會突然諗返依然喺醫院嘅阿Mo，然後當晚所有嘅場景就會喺我眼前面重新再發生一次，我每一次都要眯埋雙眼耷低頭調整自己嘅呼吸，先至可以令到依個畫面暫時停低。」更稱當有熟人問候他，他都會覺得變成一種無形的壓力，因為每被問候，就會回想到當晚意外的經過。

張梓峯又透露近況，指身體上的痛楚令他睡眠質素及精神變差，但會繼續努力，並預告很快會親身交代自己的情況，最後又向阿Mo喊話：「阿Mo，你要振作，我哋都好掛住你，好想陪住你！！！」

【其他文章】

鄺文珣現身細細粒直播淡出後誕三子47歲仲有少女味

Ben Sir歐陽偉豪撐TVB批監警會委員話「港姐著得少布」：似話阿婆少頭髮

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ