全城一叮｜《東張》女神領軍跳啦啦隊舞一字馬拱橋晒冷短裙露腰都被負評利穎怡爆喊

更新時間：17:00 2022-10-08
發佈時間：17:00 2022-10-08

利穎怡、吳綺珊、李君妍及蕭麗芠四位無綫小花，組成限定女團JAAY參加《全城一叮》，四位小花近日已在社交網不停貼相、貼片宣傳，昨晚（7日）播出第二集終於出場。四人表演拉拉隊舞蹈，期間又一字馬又拱橋，還演側手翻，不過台下評判似乎睇到好悶。到中段李君妍突然失手，眾女鬧大交，原來都是表演戲碼，然和好還一齊rap，再繼續拉拉隊舞蹈表演，成績僅僅晉級。

【點擊睇限定女團JAAY】：

利穎怡、吳綺珊、李君妍及蕭麗芠表現完後，蔡一傑直言：「表演冇乜特別驚喜，下次你哋一定要畀啲比較實在嘅長處驚嘉大家。」主持Bob就好感觸，特別起到蕭麗芠（Leah）：「我入嚟（無綫）有機會做主持，已經開始見到你做獎品小姐，咁多年都仲做緊，我成日心諗Leah幾時可以有多啲機會。」蕭麗芠喊到淚流滿面：「如果我自己一個我唔會敢喺呢個台表演，做咗呢件事已經好開心。如果我未有機會，即係我仲未夠努力，所以用盡全力先走，先會對得住自己。」另外三個都感動到眼濕濕。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ