港女野人｜何泳芍遭甲蟲偷襲34D「心形胸」廖慧儀做瑜伽騷結實美腹肌

更新時間：23:00 2022-10-13
發佈時間：23:00 2022-10-13

由何泳芍（Honey）、陳若思（Amber）、廖慧儀（Jessica）及胡美貽（Nicole）主持的J2節目《港女野人》今（13 日）明兩集，四女在山藝達人達Sir帶領下行山，挑戰「香港三尖」之一、有「香港第一險峰」稱號的蚺蛇尖！由於出發當日天氣酷熱，為免中暑，達Sir選擇於凌晨三點左右出發；4女事前又要打點又要紮營，又要上堂惡補行山知識，每人最終平均只睡了兩個小時便要出發登山。雖然如此，4女依然魄力驚人，不但爬高爬低，上斜落斜冇難度，更全程精神奕奕維持「高分貝」操作，連達 Sir 亦忍不住大讚4人潛力及毅力驚人。四人當中以Jessica狀態最好，全程帶頭的她無論是結實的腹肌或是老鼠仔均相當搶鏡，落山時更靈活自如，被Honey笑指似「魷魚」。

身為瑜伽導師的Jessica分享健美腹肌及平衡力心得，她直指多做瑜伽有幫助：「因為瑜伽有好多腰部嘅扭轉動作同埋呼吸法，都係鍛鍊緊核心肌肉，加上呢個節目我哋真係行咗好多山，所以腹肌就更結實咗。」Jessica指要操出腹肌單靠節食不行，一定要配合肌肉訓練才能練出完美線條。

Honey登山前膝痛發作，要靠食消炎止痛藥頂硬上，幸好最後有驚無險。Honey謂：「以前我操水操得太勁，搞到好多隱性舊患，好彩都唔算嚴重，但就唔可以做過量運動。」Amber及Nicole拿出相片為證，爆料指Honey魅力沒法擋，行山時遭甲蟲胸襲。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ