35歲江若琳宣布「造人」成功：我倆等待你嘅出現足足4年啦
發佈時間：15:03 2022-12-23
江若琳（現名江伊晴）自2014年與寰宇藝人管理公司完約後，幕前事業一直浮浮沉沉，至2018年江若琳與Oscar蕭唯展結婚，生活愈來愈低調，只是偶爾在社交網站上分享近況。
結婚4年，二人終於「造人」成功，今日（23日）江若琳在社交網站上公布喜訊：「我倆等待你既出現足足4年啦」！更加方分享細腹中塊肉超聲波相片。
相關閱讀：江若琳近照撞樣郭富城老婆方媛 34歲淡妝上陣靚過初出道
【點擊睇江若琳近照及胎兒超聲波相片】：
江若琳在社交網站寫道：「今日係我地兩口子結婚4週年啦，今年我地得到左一份渴望好耐而又彌足珍貴既聖誕同結婚週年禮物，我倆等待你既出現足足4年啦，一直都以為生BB係一件理所當然，好容易既事，但呢幾年間經歷過不停既嘗試又不停咁失敗，連身邊既朋友都比我地著急，次次都關心我地幾時生得出，我地都會感慨 ，生仔原來好難，但到最後我們已經選擇左半放棄，經常都話，就算世界只係得我地兩個，我地都會快樂地走到白頭，不過人生就係一個充滿驚喜既旅程，每當你好用力想要得到一樣野既時候，往往總係事與願違，但當你選擇放下放輕鬆時，聖誕老人，就會係一個最美好既時間點將你最想要既禮物送俾你！4年前 我得到左一個好愛我既生煎包，4年後我地得到左一個最愛既bb包。Bb包，感謝你既到來，時間不遲也不早，來得剛剛好！雖然我仲未想像到我做人阿媽係點，應該都係論論盡盡 ，騎騎呢呢咁，但我地會努力學習，將最好既俾你！呢幾個月失蹤左的我，係疲累，反胃 嘔吐既生活中不停徘徊 ，但每日都充滿住感恩同感動🥹請繼續折磨我吧！你繼續健康平安長大就好。」
【其他文章】：
翁美玲生前珍貴片段再現 與梁朝偉親吻逾分鐘極浪漫演黃蓉表情可愛
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
