33歲余德丞自爆聽阿媽話「有輻射」16年冇去日本 網民嘲似裙腳仔：而家去唔怕媽媽鬧咩
發佈時間：20:30 2023-04-08
余德丞自離巢TVB一直靠經營YouTube頻道及做電台節目《口水多過浪花》增加曝光率，早前余德丞與Youtuber「9BoThew 膠保廢」到日本旅遊並拍成影片上載到YouTube，透露此行有工作在身，可見離巢後有更多不同類型的工作，生計應該不成問題。余德丞接受傳媒訪問時更自爆，原來這次是他相隔16年再到日本，不「回鄉」竟是因媽媽指日本有輻射，因此多年不再踏足日本。
【點擊睇余德丞被嘲似裙腳仔】：
余德丞的言論引來網民嘲笑，指他十足「裙腳仔」，又擔心他此行會被媽媽責罵：「好鬼似裙腳仔」、「估唔到佢咁裙腳，30幾歲人仲阿媽話」、「咁大個人重拎老母出來講」、「聽開電台都知佢媽寶」。甚至有網民指，聽到余德丞經常將媽媽掛在嘴邊，就質疑2018年余德丞突發性心律不正昏迷送院，被傳余媽媽跪求「富豪御用風水師」免費為他點燈續命一事可信性大增。
但其實余德丞去年離巢TVB時曾拍片表示，因未能澄清點燈續命傳聞而耿耿於懷：「當時有個人出嚟話我阿媽去跪佢幫我免費點燈續命，但根本我同媽咪唔識呢個人，我哋識嘅人都冇人去搵過佢，我當時好想企出嚟，但公司認為最好嘅回應就係唔回應，最後更只係叫我答：『多謝關心，我沒有回應。』我唔明點解要咁，係啱就啱；係錯就錯，但而家咁回應，咪令其他人更多揣測，有冇諗過咁嘅決定會有影響，仲會伸延落去，以後人哋諗起我都諗起呢件事。我自己做呢行冇所謂，但我媽咪出到去人哋會點諗佢，咁係傷害一個唔係呢行嘅人。到而家我仲可以坐喺度，好多人就覺得係因為我媽咪去點燈續命。」
【其他閱讀】：
60歲方中信上海巡舖瘦到認唔出 「帥哥也老了」網民憂心健康出問題
姜大衛三代同堂遊廣州孫仔高過公公 曹永廉12歲細女晒長腿星味濃郁
賭王四房同遊樂園何超盈帶老公3歲囡囡激罕現身 奚夢瑤同姑仔何超欣似姊妹
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
