金像獎2023丨許冠文興奮膺最佳男配角 首獲非搞笑獎項：今晚可以當我係新人！
發佈時間：21:40 2023-04-16
《第41屆香港電影金像獎》今晚（16日）在香港尖沙嘴文化中心大劇院舉行。廖子妤與方皓玟一同頒發「最佳男配角」，今年80歲的許冠文憑《風再起時》首次入圍即獲獎，他上台時，台下掌聲雷動。他在台上說：「今晚我特別興奮，因為我一世都未試過唔係攞一個唔係搞笑嘅獎，今晚可以當我完全係新人嘅感覺，多謝大家！我特別高興《風再起時》攞咗8項提名，我特別開心。」
【相關閱讀】：金像獎2023丨80歲許冠文奪最佳男配角 自認「失敗哥哥」遺撼對許冠英太嚴苛：冇好好處理情緒
【點擊睇許冠文奪最佳男配角高清靚相】：
【點擊睇許冠文拎最佳男配角】：
許冠文又提到當初接戲的事：「今晚我興奮到唔知講咩好，其實翁子光搵我做呢個角色嗰陣，我一啲信心都冇，我話『大佬呢個唔係搞笑角色喎』，佢話『你返去試下啦』，我返去同老婆商量，佢話我梗係應該試下啦，孫悟空都唔係只係識打筋斗吖。我話『唔係咁簡單，佢要我一個take講10分鐘英文。』」
後來許冠文真的完成一take過講10分鐘英文的鏡頭：「10分鐘一啲笑聲都冇，我唔習慣，好大鑊㗎喎！我問副導演『導演有冇笑過呢？』副導演話『冇，不過恭喜你，佢喊緊。』我有啟示畀同行兄弟姊妹，原來只要夠擔試新嘢，乜奇蹟都可以發生，包括攞個咁珍貴嘅金像獎，多謝大家！」
許冠文是41年前首屆香港金像獎最佳男主角，早前並獲頒終身成就獎，今屆奪最佳男配角。他受訪表示發夢也想不到在41年後，還可獲憑非喜劇獲獎。許冠文指一直有目標想引人笑、令人快樂，所以不敢亦沒興趣演嚴肅角色，因此今次感覺似新人。他又坦言想法已變，生命苦短，應該珍惜所有和夠膽挑戰不同事。問到還想有哪些新嘗試？他表示：「未試過自編自導自演一個令自己心動的喜劇，但現今喜劇模式已不同，想以新模式拍攝。」不過是採用甚麼模式，許冠文則指要到時才知，還直言現在要引人笑是很難，他也想再跟兄弟許冠傑合作，笑指對方開騷跳舞似馬騮，但對拍戲興趣不大，可能客串。
【相關閱讀】：
金像獎2023｜《正義迴廊》導演何爵天奪新晉導演 香港電影非小陽春：我哋會努力
金像獎2023丨影評人石琪羅卡奪專業精神獎 表揚電影文字工作者對電影圈貢獻
金像獎2023丨《風再起時》連奪兩技術獎 蔡思韵寸《明日戰記》拍古天樂心事？
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
