金像獎2023｜《給十九歲的我》奪最佳電影 導演感言：拍咗先，剪咗先，上咗先算
發佈時間：23:26 2023-04-16
第41屆《香港電影金像獎》「最佳電影」由《給十九歲的我》奪得，聯合監製聯同一班幕後上台攞獎， 聯合導演郭偉倫在台上代張婉婷讀出一封致謝詞：「過去一段時間，由羅啟銳死亡的黑洞到《十九歲》面世，瞬間令我可躲進可以栽培美麗植物的小花園，再因為一場風波，將我一投掉進一個漆黑的森林，這一切令我領悟人生的無常，但係板本龍一臨終的一句說話俾我好大嘅啟發，藝術千秋 人生朝露，多謝呢段時間仍然給我支持同鼓勵嘅人，多謝業界對呢部電影肯定，令我黑暗當中漸漸見到曙光，讓我知人生雖然處於低谷，但仍然意味着前路只有向上的可能性，感謝石校長畀我哋嘅呢個任務，我哋今生無悔。感謝所有參與拍攝嘅同學們，感謝你哋對自己，面對觀眾嘅勇氣，更感謝十年同我哋同甘共苦嘅團隊，人生有幾個十年呢？可以畀大家去追逐一個夢想，一齊面對高山低谷，最重要嘅係呢十年嘅磨練，令我哋成為莫逆之交。」
另一位監製黃慧因為身體不適而缺席，由分組導演李淑嫻代她讀出席致謝信：「多謝金像獎各位評判對《十九歲》的肯定，感謝石校長的遠見，以學校重建為基礎，見證一群少女的成長，交成一個反映時代，令我們可以近距離觀察成長的歷程，見證教育、家庭和社會對成長的影響，感謝佢對我哋信任，將呢個奇特又艱巨的任務交托畀我哋，令我哋經歷呢十多年嘅奇妙旅程。感謝多位同學慷慨，願意分享自己成長嘅過程，以自己嘅生命，去影響萬千觀眾嘅生命，亦多謝一班傻勁嘅製作團隊，有佢哋嘅不離不棄，呢個製作先可以完成，最後希望大家同我哋一齊，祝福張同學，經過咁多月無可理喻嘅折騰，祝願佢明天就走出幽谷，再接再厲，後勁更凌厲！」
【香港電影金像獎2023·點擊睇《給十九歲的我》得獎一刻】：
郭偉倫更寄語香港拍紀錄片的導演：「請你繼續努力去拍紀錄片，唔好驚，因為時代需要去拍紀錄片，用鏡碩去紀錄我哋發生嘅事，記住唔好熄機，繼續拍，唔好驚，拍咗先算、剪咗先算，上咗先算。」
名導張婉婷執導的《給十九歲的我》公布奪「最佳電影」時，大量網民在ViuTV的直播網頁留言鬧爆，直斥電影備受爭議，卻無損在頒獎禮上獲獎，洗版式狂轟：「多人睇嘅戲，咩獎都無，無人睇嘅，就攞晒啲獎」、「所以原來行內人覺得冇問題」、「唔怪之得香港電影會死晒，多得呢班人玩死香港電影」、「邊個寫架啲致謝詞」、「垃圾金像獎」、「面皮厚到」、「大家O嘴」、「下，咁班女仔感受唔洗理嘅」、「無恥到極點」、「個個黑面」、「咩叫上咗先算」等。
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
