「世紀賤男」周永恆被爆遭內地老婆施暴 超恐怖傷勢曝光爆頭見血勁嚇人
發佈時間：19:00 2023-04-21
周永恆2018年與內地女友陳薇（Britni）結婚，同年誕下一子，2019年12月周永恆曾被拍到在尖沙嘴與一名男子打架，被警方拘捕時，雙手合十跪拜警察求情，不過之後他的生活開始轉為低調，而老婆Britni則依然熱愛玩IG。今年2月有報道指Britni已刪除昔日與周永恆的婚紗照及多張其他合照，因而傳出兩人疑似婚變。最近填詞人因葵（陸謙遊）爆出周永恆疑似被內地太太家暴，更傷及頭部，一度要留醫！
【相關閱讀】：「世紀賤男」周永恆傳婚變 內地老婆IG刪婚紗照獨力湊仔似單親媽媽
【點擊睇周永恆傷勢】：
因葵日前在個人fb指周永恆遭內地太太Britni家暴，同時貼出多張周永恆的傷勢及留醫的照片，見到其頭部受傷，更需要鏠針！因葵撰文謂：「無論你哋認唔認得圖中男主角，你哋覺得佢係乜嘢人唔重要，清官難審家庭事，但一個女人可以不停講大話，誣捏佢老公，仲要四圍唱畀佢老公啲朋友聽，話佢老公打老婆。呢堆相、whatsapp cap圖內容係今晚人哋老婆同我嘅對話，其他受傷照片，係佢老公早前入醫院嘅證據。」似乎周永恆一直指老婆誣捏「老公打老婆」
因葵更指周永恆被施暴期間，剛做完腦部手術：「仲要係個老公啱啱做完腦部手術，情緒病續漸好轉嘅時候，到個老婆發神經。其實有暴力傾向係個女人，或者有人會覺得抵死，但呢個朋友，我用咗超過三年時間同佢相處，你唔會估到佢其實係點。喺你哋眼中佢只係八卦新聞一則，但我見到佢今晚含冤入獄，我實在忍唔住。」
因葵直指周永恆確實曾經有情緒病，但現在情況已經好轉，更可以與他傾佛偈：「我同佢之間一直研究宗教哲學健身音樂創作，佢的而且確曾經係有情緒病，但佢做咗腦科手術之後，係越嚟越進步，以前佢會喺我面前發洩情緒，而家同我傾嘅係佛偈，一個耶穌仔可以同我傾佛偈，如果佢真係呃我嘅，抵啦！唔好計佢以前自己私生活係點，呢一個世侄唔只係朋友咁簡單，佢可能係第一個令我發現自己有乜嘢弱點，令我進步嘅人，我曾經帶過佢去彼岸，然後又回到俗世。我而家只係想講一句：what doesn't kill me makes me stronger！」本報向因葵查詢周永恆遭家暴，但仍未獲回覆。
現年38歲的周永恆入行以來醜聞不斷，早在2004年曾因藏毒，被判18個月感化令；2010年與趙頌茹奉女成婚，先後誕下兩個女兒，一度「改邪歸正」信奉基督教，不過四年後卻爆出他出軌港視小花劉依靜（Ruby），更家暴趙頌茹，被封為「世紀賤男」；周永恆之後開記招認錯，聲淚俱下自稱是「人渣」。周永恆之後與趙頌茹離婚收場，2016年曾戀女團O.M.G成員黃芊詠（Cherie），其後後周永恆與內地女陳薇（Britni）撻着，2018年6月奉子成婚，同年9月誕下一子，兩人目前囝囝至今已經4歲。
【其他閱讀】：
65歲萬梓良公然攬女強吻？非首次陷抽水疑雲 曾突然前胸貼後背嚇窒拍檔
55歲魏駿傑神隱逾1年終蒲頭被嘲肥到冇頸 為養家賤價出山拍廣告？
連詩雅五星級奢華婚前Party谷事業線 準老公陳家樂要地踎BBQ
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
