中年好聲音丨周吉佩自爆與老婆分房瞓七年新婚連詩雅發現重點：仲可以製造到細佬

更新時間：18:30 2023-04-29
發佈時間：18:30 2023-04-29

周吉佩（吉吉）日前在TVB節目《中年好聲音》爆冷獲得冠軍，他在總決賽前接受「蝦頭」楊詩敏與連詩雅的網台節目《絲打圍爐》訪問，大談多年來的音樂路外，亦提到與港姐太太黃彥欣的關係。周吉佩早前多次在訪問中提到與太太曾因音樂有拗撬甚至吵大鑊，接受《絲打圍爐》訪問時，仍未奪冠的周吉佩在節目中坦言已經在節目上得到最想要的東西：「就係有太太180度嘅轉變支持。」

【點擊睇吉吉同港姐太太】：

周吉佩在訪問提到太太的轉變：「佢初頭係反對，鬧交㖭，因為佢覺得我仲喺度發明星夢。」他表示當時先斬後奏報名，太太更是從好友曹敏寶口中得知他參加《中年好聲音》的消息：「我仲記得我嗰陣喺老婆隔籬睇到個message，心諗死喇！」他提到早年曾瞞着太太簽約唱片公司，後來影響到正職收入，當時太太更是正在陀第一胎，令太太對他大失信心，更傷到彼此的信任。

周吉佩指每次與太太談到音樂都很容易起爭拗：「我喺屋企都唔敢唱歌，以前有studio喺studio練歌，喺屋企完全唔出聲，好似啞咗咁，從來冇喺屋企唱過歌，小朋友都唔知我係唱歌嘅。」後來周吉佩在《中年好聲音》一度被淘汰，之後他收到製作組電話，有機會重返節目，他形容太太此時「突然醒咗」：「我個人沉醉喺失落感，電話都唔想聽，跟住我老婆行出嚟話製作組好似搵我返去，佢話嗰下佢覺得原來你條友仔都有人欣賞你㗎喎！」

周吉佩提到與太太在25歲訂婚，28歲結婚不久就懷孕：「好快有小朋友組織家庭，雖然後生生小朋友有好處，但好想同太太有二人世界先有小朋友。」他太呻現在已經沒有二人世界，生B後更已經分房瞓長達七年：「我同我老婆分瞓房七年，好慘啊！我要投訴！因為我太太生咗小朋友後，母性突然大爆發，完全skip咗我，將我啲被鋪掉去間細房，要我自己瞓，佢同小朋友瞓；由嗰日開始分房瞓到今日，七年幾。」

周吉佩續言：「因為我生咗兩個小朋友，第二個緊接第一個，個女7歲幾，由個女第一日出世已經分房瞓。跟住我細仔出世，我而家細仔5歲，同我太太瞓同一間房，我就自己瞓，其實好唔開心㗎。」蝦頭、連詩雅此時卻發現重點：「不過你哋都都有細仔喎，仲可以製造到細佬。」周吉佩笑說：「喺梳化嗰啲，哈哈」

【其他閱讀】：

中年好聲音丨周吉佩奪冠失言「從來冇fans」遭鐵粉炮轟忘本急撰文道歉：變成朋友關係

中年好聲音｜周吉佩同G.E.M.拎新人獎出碟遇金融風暴樂隊散Band 追夢同港姐老婆吵大鑊

中年好聲音紅白大戰丨支嚳儀透露送兩樣嘢賀何超蓮出嫁好姊妹JW忙到冇時間出席

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ