HOY TV烹飪節目名廚全程將羅勒講錯紫蘇 趙學而怒轟製作馬虎：一開電視就滾
發佈時間：21:00 2023-04-29
TVB《東張西望》前女神黃愷怡（Jasmine）前年除夕宣佈離巢，其後轉投HOY TV主持《一線搜查》、《心比火熱》等節目，今年3月開始還主持逢周一至周五晚上8時播出、余詠珊旗下公司所制作的烹飪節目《開飯啦》。昨晚（28日）播出的《開飯啦》請來名廚楊國基（Billy）做嘉賓，示範「瑞士煎薯餅」、「參巴鮮茄醬爆大蜆」兩道菜；請來名廚理應萬無一失，不過竟然被歌手趙學而發現名廚楊國基竟然將羅勒（Basil、九層塔）全程誤稱為「紫蘇」，她火滾表示：「好日唔開電視，一開電視就滾。」
【點擊睇名廚搞錯羅勒與紫蘇】：
趙學而在fb貼出《開飯啦》的電視截圖，留言說：「我究竟睇咗啲咩？Basil定紫蘇呀？兩樣嘢嚟喎！媽我好亂呀！好日唔開電視，一開電視就滾。」之後趙學而還回覆KOL方以文留言說：「主持唔問，撰稿唔問，導演組唔問，後製唔問，係咪真係有問題唔應該問🤔定係真係覺得冇問題？」看來對節目查證馬虎顯得相當火滾，更引起不少網民討論，笑說：「我頭先睇都覺得撓晒頭。」、「今日學到嘢，原來九層塔即係紫蘇，下次試下用九層塔蒸大閘蟹先。」、「不用分那麼細，都係綠色。」
其實紫蘇與羅勒同屬唇形科，而且同為香料，但並非同屬，香味亦大有不同，香港、中國、台灣、越南、泰國、意大利等多個地方亦會將羅勒入饌，例如台灣名菜三杯雞、以至街頭小食鹽酥雞亦會加入羅勒，意粉的青醬亦是以羅勒、蒜泥作為主要材料。香港著名食家蔡瀾在2021年亦曾提撰文到羅勒與紫蘇間的關係：「羅勒Basil，又叫甜羅勒Sweet Basil，《遠東英漢大辭典》中說它有另一個名字為紫蘇。它雖屬紫蘇科，但與紫蘇Perilla無關，是誤解。各地方的名字都不同，台灣人叫它九層塔。它是由印度移植的香料，得來不易，所以潮州人尊稱為金不換。」
【其他閱讀】：
鍾嘉欣孖好姊妹李亞男湊仔女去海洋公園 連玩多日女神現倦容 細女對網民做一舉動萌爆
中年好聲音丨周吉佩自爆與老婆分房瞓七年 新婚連詩雅發現重點：仲可以製造到細佬
52歲陳松伶暴脹唧腩網民嚇窒勸減肥 半年揈走26磅晒新相回復巔峰顏值
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
