名人戰商界——學校開夠十八區蘇志威提供一條龍跳舞服務

專欄

更新時間：09:55 2015-06-19
發佈時間：00:00 2014-01-17

       「So Boss」蘇志威（阿細）近年的生意愈做愈大，由他創立的舞蹈學校「iDance」今年已開辦第三間，收生過萬人，他坦言：「原來香港嘅女士咁需要呢啲跳舞嘅地方。」由於他採用一條龍服務，學生跳完舞可以沖涼，還備有Locker擺嘢，之後去街都不會帶來麻煩，十分方便，難怪早前拿了個創意創業獎，其目標是十八區都有跳舞學校的足跡。撰文：李佩儀攝影：譚壹致
      阿細在05年開演唱會時操得好Fit，他憶述：「當時又健身又排舞，每日都好攰，但第二朝起身又好精神，其實跳舞真係好好，所以好想開間跳舞學校，但我邊有時間吖，到08年識咗拍檔Grace，佢又好鍾意跳舞，咁我哋就試吓搞。」點知一開反應好好，兩年後他們決定在尖沙咀帝國中心開間更大、規模更完善的跳舞學校，翌年更在鰂魚涌渣華道開第二間，今年則在觀塘泓富廣場開第三間。阿細打算明年年底在新界再開一間，選址荃灣或元朗，「啲地點希望分散啲，最好梗係十八區每度有一間，我哋夢想啫，實唔實現度都係後話。」
      雖然阿細不會教授學生跳舞，不過所有宣傳工作都落在他身上，他更會指導導師編排舞步，並大讚太太劉小慧說：「有啲Idea係佢幫我手，舊年引入Zumba Dance，其實都係佢睇到先，於是我着手聯絡、考牌，一出都好多人嚟學。」問女兒喜歡跳舞嗎？他續說：「細女無端端話嚟呢度學拉丁，學咗幾個月，跳得幾好。」原本他想開親子班，但每開一間都被所有女士攻陷晒，連男士都有微言：「點解淨係得一班？」可見跳舞不分男女、不分年齡，阿細更表示六、七十歲的老友記都照學可也，所以只要你鍾意就得喇。