霸氣港女 51歲唔憂嫁鄺美雲:等男友追吓先啦
發佈時間：00:00 2014-02-07
鄺美雲（Cally）與恒基高層林達民（Thomas）拍拖一年半，農曆新年期間幾乎日日見面，愛到如膠似漆。每次談到男友，她總是甜絲絲，笑得很冧。曾結過婚的她，能遇到一段「黃昏戀」實在難得，連她都表示「唔容易」；不過一講到結婚，她就斬釘截鐵：「無諗，我咁忙邊得閒。」事實上，她覺得了解最重要，不應心急：「等佢追求吓先，唔好咁快畀佢坐定粒六先得㗎！」撰文：李佩儀
攝影：李權威、車綺敏
早前Cally忙完自己的珠寶展，趁農曆新年放個悠長假期，但行程非常緊密，好似大年初二，先到敬老之家探訪，然後返回佛光道場抄經，最後一站就是往男友屋企拜年。原來Thomas今年也有派利是給Cally的愛犬Cash和Euro，牠們一收到利是更撲向Thomas錫錫，連Cally都大讚：「初初佢哋都有啲呷醋，但知道無得Fight，即轉軚對佢好好，真係好醒！」看來Thomas的地位非常穩如泰山。
至少還有你
提到今年的中西情人節，她與Thomas會怎樣慶祝時，她淡淡然說：「同成班朋友食飯咋，平時都係咁，最多咪唱吓歌，我屋企有K㗎嘛！」Cally表示Thomas喜歡唱林子祥和張學友的歌，陶喆的《愛很簡單》亦是飲歌之一。「佢唱成點？都幾好㗎。我就鍾意唱《李香蘭》同《至少還有你》，好少唱自己歌咯。」對於能遇上這段「黃昏戀」，她也自覺「幸運」，因為搵到合適的對象絕不容易，而且對象是絕世好「佬」，「佢談吐好幽默，口齒又伶俐。」Cally讚到停唔到口。但一講到結婚，全程訪問均甜絲絲的Cally卻表示：「未諗喎，等大家了解清楚先啦，我又唔急，（了解幾耐？）唔知㗎，拍拖嘅嘢好難講，睇緣份喇。」
甜事要保密
最重要是Cally很享受被追求的感覺，她續說：「等佢追吓先。」問Thomas有甚麼招數○氹她開心時，她怕醜地說：「讚美說話一定有，但兩個人嘅嘢唔講咁多畀你知，（你點先肯嫁佢？）結唔結婚都唔得閒諗，其實可以畀我休息瞓吓覺已經好開心喇。」她更表示放假放到年初八才開工，新年願望是生意興隆，人人都健康平安。
