老公打本百萬做生意譚小環開班教DIY手作仔

頭條日報-娛樂

更新時間：11:29 2015-06-19
發佈時間：00:00 2014-03-08

       婚後過着半退休生活的靚太譚小環醉心DIY手作精品，「愛妻號」蔡強榮急急打本7位數字在銅鑼灣開設「DaybyDay手作素材店」畀老婆打發時間，之前她就獻出第一次，特地為長情粉絲開特別班，充當導師教佢哋DIY心意卡。她哈哈大笑說：「我呢個老師交足功課，絕冇欺場㗎，而且只收200蚊會員價學費，但玩足3粒鐘，學生學到嘢之餘，仲可以同我吹水聚舊，一次過滿足兩個願望，真係半賣半送，抵到爛！」採訪：方騫平
      日前近20個學生齊集譚小環經營的手作素材店，由老闆娘親自出動教他們做入門最基本的心意卡，部份女學員都好有創意，小環唔使從旁輔導。
      3小時的課程，連工包料只收兩百，不過最搞笑是課堂有1小時是敍舊傾談同合照時間，跟偶像多年不見，難得夾到時間聚頭，當然雞啄唔斷！
      Fans捧場報讀課程
      小環說：「假假哋我做過歌手出過唱片，97年仲成立咗歌迷會，佢哋係我歌迷會成員，由小學開始跟我跟到結埋婚生仔，至今仍然好支持我，好長情，粉絲真係為咗見我而上堂，大家好享受課堂嘅過程，真係好開心，佢哋撐我撐到底，仲會報埋其他課程，想親自做作品送畀我，所以都好感動呀！其實佢哋有要求我開第2次特別班，我諗遲啲先算啦，始終夾時間唔容易，而且我比較鍾意自己DIY，對教人唔太興趣。」


■譚老師與一班手拿製成品的Fans合照。