懶理整容傳聞楊秀惠︰我靚咗令人誤會

頭條日報-娛樂

更新時間：15:54 2015-06-19
發佈時間：00:00 2014-07-10

       楊秀惠（Vivien）入行剛剛10年，雖然並非坐正做女一，但因為是TVB「親生女」，接劇機會從無間斷，好似在拍攝中的新劇《天眼》中飾演女強人，除有穿三點式落水戲外，更將會有多場露大背的瑜伽戲，為公司瞓身「賣肉」。採訪：方騫平攝影：李權威
      2004年參加國際華裔小姐入行，29歲的Vivien演過代表作《法證先鋒I、II》及《金枝慾孽II》等，雖並非女主角位置，但起碼重頭劇都預埋佢玩，證明TVB好關照她，她笑說：「呢10年做得好開心，公司都好支持我，工作安排得好好，呢行時間過得特別快，日以繼夜拍完三套劇又過咗一年，加埋兩年《姊妹淘》主持，話咁快就10年，而且呢行學到好多嘢，尤其人同事，以前都幾怕醜唔識得同人溝通，更加唔敢去創業做生意，但O依家我可以單獨見客，呢行真係幫到我唔少！」
      化妝變靚啲
      對於被指愈來愈索，外貌較10年前更年輕，她笑住解釋：「可能心境開朗，加上自己係馬來西亞人，當地女仔打扮都偏向成熟同女人味。?家留港耐咗受感染，化妝同打扮都時尚咗，加上勤於做運動，睇落成個人都唔同晒，連化妝師都取笑我回春，30歲人扮青春，我諗因為我靚咗，所以俾人誤會我整容！唔緊要啦！俾人讚靚都開心，我都唔太介意。」