貪方便罔顧女兒安危李霖恩點老婆兩頭騰

頭條日報-娛樂

更新時間：11:07 2015-06-22
發佈時間：00:00 2015-05-18

       李霖恩今個月將會幫《愛．回家》拍最終集，但佢仲要拍古裝劇《刀下留人》，又同朋友合作搞四驅車場，忙到咁唯有將湊小朋友責任交畀靚靚老婆Candy。Candy好錫小朋友，辛苦都冇問題，最怕係老公唔識體諒，好似日前佢湊大女李清宜（Gianna）去學溜冰，其間被老公Call出去拎嘢，Candy迫於無奈撇低阿女喺溜冰場，雖然話有教練同其他小朋友在場，但都會擔心嘅。採訪：譚壹致
      李霖恩被指怪獸家長，大女Gianna暑假後先升小一，已經要補習英數同普通話，仲要學溜冰、游水、跆拳道、騎馬、小提琴等興趣班，佢就話阿女精力好唔覺辛苦，做多啲活動仲可以乘機減肥，但就難為佢老婆要湊住阿女周圍去上堂，都好頻撲辛苦，難得Candy覺得可以見證囡囡學習成長係開心事，好樂意揹起呢個擔子。
      早前香港再傳有拐子佬，最近又有富家女被標參，作為前保安局局長李少光嘅仔，李霖恩仲要係藝人，又同Gianna做過兩輯真人騷節目《爸B也Upgrade》，佢都話個女仲出名過佢，好多人請阿女食糖，但日前下午佢為咗自己方便，冇理個女安危，明知老婆喺又一城溜冰場湊緊個女去學溜冰，佢就要老婆遷就佢，走去?口搵佢拎番啲嘢。Candy因為阿女唔喺自己視線範圍顯得好擔心，拎完嘢隨即急急腳折返溜冰場，見到阿女溜得咁好先笑番，又用手機拍低阿女溜冰風姿，唔知係咪影嚟畀老公睇呢。