■Mimi雖然今團冇帶睇獨立屋，但她一直視為Dream House，離開前都抽時間去睇一睇。

帶團睇樓順便陪家人度假羅敏莊鋪路學物業管理

頭條日報-娛樂

更新時間：04:20 2018-07-20
發佈時間：00:00 2018-07-20

　　羅敏莊（Mimi）憑泰國睇樓達人形象，早前獲旅行社尊尚假期邀請出任「我要睇樓團」團長，聯同海外物業專家Denny帶團友去泰國睇樓。上周適逢Mimi得意囡囡陳禛放暑假，而Mimi細佬亦有意到泰國置業，於是一家人齊齊去睇樓兼度假，不過Mimi依然無偷懶落力帶團，陳禛還自動獻舞逗得團友勁開心。
採訪：杜淑霞
　　年前Mimi以300多萬在曼谷購入800多呎單位，為未來在泰國定居鋪路，順理成章做埋KOL，將泰國睇樓心得在網上同大家分享，「我睇樓係興趣嚟，雖然自己買咗樓，依然好鍾意睇樓，帶團可以直接同大家傾，希望幫到多啲人。」
望冇令團友失望
　　今團已是Mimi第三個「我要睇樓團」，趁着囡囡陳禛放暑假，加上她細佬亦有意在泰國置業，決定一家拉大隊跟團睇樓，雖然她此行忙於照顧媽咪同囡囡，又要為細佬提供意見，依然不忘細心照顧團友，有團友仲話：「都係信羅小姐先至報團！」搞到Mimi既開心亦覺得好大壓力，「希望自己冇令團友失望，不過我好開心之前帶兩團都有人買到樓，幫人搵到心頭好係好有滿足感㗎！」之後，Mimi跟海外物業專家Denny更打算發掘曼谷以外其他地區，譬如芭提雅的樓盤，至於未來她更想透過帶團學習做物業管理，「將來等陳禛大啲，我哋嚟泰國定居，我做物業管理都可以搵到食嘛！」