數十明星到場力撐 冼國林割眼初瘉佛山搞拳賽
更新時間：04:18 2018-11-24
發佈時間：00:00 2018-11-24
發佈時間：00:00 2018-11-24
字體大小
電影《葉問前傳》出品人、詠春師傅冼國林，今年8月去韓國濟州出席朱李月華的60歲生日會時，左眼不幸感染惡菌，最後返港割眼保命。逃出鬼門關、現已看透人生的冼師傅，日前仍為洪拳出一分力，在他的佛山西樵山國藝影視城籌備「第三屆世界洪拳大賽」。比賽當日，冼師傅的一班娛圈好友包括古明華、漢洋、李霖恩等齊齊到場支持。睇到冼師傅康復神速，好友們非常安心呢！ 採訪 : 林書鉉
61歲嘅冼國林是一代宗師葉問徒孫，近年投資拍電影，力捧新人。早前，佢割除左眼保命後休養兩個多月，身為世界洪拳總會主席嘅佢即積極籌辦「第三屆世界洪拳大賽」，並獲一眾演藝好友專誠從香港到西樵山國藝影視城為他打氣。
漢洋見到冼師傅精神奕奕，大感安慰，他說：「我哋成班好朋友知道師傅搞比賽，即約埋上嚟替佢打氣，又可以聚一聚。師傅份人好正面，手術後有練番功夫，就算無咗隻眼都成日講笑話『我O依家申請傷殘症，好多時唔使排隊，啲人會好好心讓我。』我好佩服佢咁樂觀面對。」兩日一夜佛山之旅，漢洋等人首日睇完第一日比賽就參觀影城，玩吓射擊、玩小型賽車嘗試飄移技術等，晚上的地道菜式，更令漢洋好回味，他說：「內地啲豬肉特別好味，啲乳豬好正！另外，處女雞亦肉質好嫩，一試難忘。」
