劉詩昆8年後捲土重來孫穎在港開10間音樂藝術中心

頭條日報-娛樂

更新時間：04:19 2018-12-28
發佈時間：00:00 2018-12-28

　　「鋼琴琵琶公主」孫穎和國寶級鋼琴大師男友劉詩昆，本月底決定在港開設首間音樂藝術中心。她表示劉詩昆鋼積極培養對音樂有興趣、甚至有音樂天份的小朋友。他們的目標是明年在港開設8至10間藝術中心，並鼓勵長者都可以學習。採訪：李佩儀
　　孫穎憶述當年劉老師要忍痛清盤時，她曾勸他：「因為股東理念唔同，你行得唔遠，但我哋一定會捲土重來，慶幸老師近年喺社交、演奏同準備自傳時，咁忙仲好有心教自己嘅入室弟子王紫驕，教到佢由基礎班入到世界第一流嘅音樂專業學院，呢樣嘢都有少少鞭策我要快啲圓佢心願。」她稱藝術中心將於本月底開幕，並會陸續在不同地方開設，目標是開8至10間，其中一間是旗艦店，她稱：「中心會着重教學，而旗艦店希望做多啲音樂分享同培養嘅活動。」
　　音樂藝術中心會以教鋼琴為主，亦可學孫穎最拿手的琵琶，她坦言：「其實琵琶好難學，較古箏仲要難，我好怕技術會失傳，所以都希望教番一、兩個琵琶高手，（你會自己教嗎？）我會搵好嘅老師去教，而我會以顧問形式去指導，因為我有好多表演經驗，可以帶佢哋去表演同參賽。」而劉老師續稱：「當年好心痛要清盤，期望新開的中心會做得更好。」他表示小朋友3歲就可以開始學鋼琴，4歲可以學古箏，亦鼓勵長者去學，他續說：「雖然他們學習能力不及小朋友，但自己開心就行。」