【Juicy叮】兒子大專畢業後失業逾年失自信港媽心酸獲勸咩工都做住先

港聞

更新時間：16:10 2021-04-14 HKT
發佈時間：15:51 2021-04-14 HKT

疫情下經濟持續低迷。資料圖片

疫情下人浮於事，有家長在網上討論區「親子王國」發文，慨嘆兒子自去年大專畢業後一直失業，感覺十分心酸。

這位媽媽指，兒子去年高級文憑畢業後，至今已經一年多找不到工作，起初以為兒子要求高所以無業，傾談之後發現現在真的很難找工作，「依幾年佢成日覺得自己好差，冇哂自信心，見佢咁我都好心酸」

有網民留言，直言「經濟唔好，真係好少請無經驗的後生仔」、「無法，經濟差係原因，前年黑暴影響僱主對呢幾年畢業青年印象亦係事實，會捱過的」、「不過樓主唔好氣餒呢兩年畢業唔好話係high dip就算大學生都唔容易搵工，好多公司聽到呢兩年畢業都耍手擰頭，我識幾個做HR嘅都話，唔會請呢兩年畢業嘅人，而家除非做護理醫學就有機會一畢業有嘢做，所以我都見呢兩年好似多咗人讀護理，而家護理收分好似高咗好多，樓主或者叫阿仔諗諗政府工」

有網民指反修例示威導致公司不願意聘請激進畢業生。資料圖片

有人亦分享海外回來都一樣是無業青年，「我朋友個仔，係英國畢業返嚟，一樣搵唔到工，仲要依家拍緊拖，所以我朋友都仲要畀零用錢佢用，但佢仔真係掛住拍拖，無乜點搵工。」

有人建議馬死落地行，「依幾年搵唔到嘢做, 重要係 fresh grad, 顧主都會明白係職位少咗, 不如做下兼職先, 最少有收入搣下」、「乜都做住先，攞多啲經驗，我識個做收銀讀經濟嘅大學生，做了半年，之後做會所接待員」、「我覺得咩學歷都難搵工，與其有條件咁搵不如大範圍咁搵乜都做住先，至少有工作經驗，等社會環境好啲，都有嘢同人爭下先」

也有人建議再進修，「high dip只係比中學畢業高少少學歷，好多大學degree畢業都難搵工，反正呢兩年就業市場麻麻地，會唔會讀多兩年top up degree？放低咗書包耐嘅話想讀返書就更難。」

帖文轉載自《見到仔大學畢業後一直失業，好心酸》