【Juicy叮】未來奶奶願借百萬首期買樓 男友竟拒絕兼提議租劏房
更新時間:16:37 2021-07-09
發佈時間:15:45 2021-07-09
發佈時間:15:45 2021-07-09
![](https://image.hkhl.hk/f/1024p0/0x0/100/none/20fef01987ec6f3272ba306aed4b58dc/_2021070915494998651_popup.jpg)
本港樓價高企,不少人都買不起樓,年輕情侶想擁有一個安樂窩絕非易事。有女網民表示,想與男友在外租樓享受二人世界,男友母親得知後,便提出借150萬元給兒子作首期買樓,但男友堅決拒絕,指會「自己搞掂」,更提出租住劏房,令樓主非常崩潰!
該女網民在「香港討論區」上,以「想同男朋友搬出去住點知佢話要住劏房」為題發文,指她與男友現時分別與自己的家人同住,兩人近日經討論後,決定搬出租樓住,不過尋求樓盤時,男友卻經常「嫌三嫌四」,令樓主大感無奈,「嫌呢間太遠嗰間太貴,咁搬出去住就係咁㗎啦!」
樓主指,與男友商量好,每月預算租金最多為一萬多元,全部開支會除半。她表示,兩人曾看過月租9,000多元的村屋,但男友卻嫌「唔夠方便」;兩人又曾看過服務式酒店住宅,惟男友又指「無家的感覺」,「明明平時喺屋企佢都唔做家務㗎啦,同我講家的感覺!」
樓主表示,男友的母親得知兩人欲搬出去租樓住後,曾表示「如果係要搬出去住嘅不如買樓」,更指願意借150萬元供兒子「上車」。不過正當樓主喜出望外時,男友竟然一口拒絕,表示「唔使啦,我哋會自己搞掂」。最令樓主崩潰的是,男友竟提出租住劏房,指「深水埗咪幾好囉」、「深水埗方便」。
樓主對男友的提議相當不解,認為劏房其實並不便宜,「既然都搬得出去住,點解仲要住劏房喎?我都係想過好啲嘅生活啫,咁都有錯咩?」,更表示若真的買樓,她也不會要求加名,並願意與男友一起供樓,「至於話咩驚『會唔會買完樓先話分手』呢樣嘢,都係感情穩定先會話想搬出去。」
帖文引起不少網民熱議,有人認為樓主男友只是因「有骨氣」而不想花父母的錢,又擔心搬出自住後會「一闊三大」,建議他們先儲錢、延遲同局計畫,「佢唔想用阿媽嘅錢,而且出去自住開支可以好大」、「有骨氣,好仔不問爺田地,靠自己」、「要搬出去,真係要經濟能力OK,唔係負擔都重」、「咁唔好搬,儲吓錢先,結婚買樓先搬」。
不過亦有人認為樓主男友提出租住劏房,是未打算與樓主同居的意思,想讓樓主知難而退,「其實會否你男友心裏唔想搬呢?」、「佢就係想同你保持一定距離,所以咪話住劏房,等你知難而退囉,明唔明呀?」、「擺明就唔想同你住啦」。
資料來源:「香港討論區」
該女網民在「香港討論區」上,以「想同男朋友搬出去住點知佢話要住劏房」為題發文,指她與男友現時分別與自己的家人同住,兩人近日經討論後,決定搬出租樓住,不過尋求樓盤時,男友卻經常「嫌三嫌四」,令樓主大感無奈,「嫌呢間太遠嗰間太貴,咁搬出去住就係咁㗎啦!」
樓主指,與男友商量好,每月預算租金最多為一萬多元,全部開支會除半。她表示,兩人曾看過月租9,000多元的村屋,但男友卻嫌「唔夠方便」;兩人又曾看過服務式酒店住宅,惟男友又指「無家的感覺」,「明明平時喺屋企佢都唔做家務㗎啦,同我講家的感覺!」
樓主表示,男友的母親得知兩人欲搬出去租樓住後,曾表示「如果係要搬出去住嘅不如買樓」,更指願意借150萬元供兒子「上車」。不過正當樓主喜出望外時,男友竟然一口拒絕,表示「唔使啦,我哋會自己搞掂」。最令樓主崩潰的是,男友竟提出租住劏房,指「深水埗咪幾好囉」、「深水埗方便」。
樓主對男友的提議相當不解,認為劏房其實並不便宜,「既然都搬得出去住,點解仲要住劏房喎?我都係想過好啲嘅生活啫,咁都有錯咩?」,更表示若真的買樓,她也不會要求加名,並願意與男友一起供樓,「至於話咩驚『會唔會買完樓先話分手』呢樣嘢,都係感情穩定先會話想搬出去。」
帖文引起不少網民熱議,有人認為樓主男友只是因「有骨氣」而不想花父母的錢,又擔心搬出自住後會「一闊三大」,建議他們先儲錢、延遲同局計畫,「佢唔想用阿媽嘅錢,而且出去自住開支可以好大」、「有骨氣,好仔不問爺田地,靠自己」、「要搬出去,真係要經濟能力OK,唔係負擔都重」、「咁唔好搬,儲吓錢先,結婚買樓先搬」。
不過亦有人認為樓主男友提出租住劏房,是未打算與樓主同居的意思,想讓樓主知難而退,「其實會否你男友心裏唔想搬呢?」、「佢就係想同你保持一定距離,所以咪話住劏房,等你知難而退囉,明唔明呀?」、「擺明就唔想同你住啦」。
資料來源:「香港討論區」