Juicy叮｜外傭拍片指罵僱主 以流利廣東話要求獲善待
更新時間：15:25 2022-03-19
發佈時間：14:52 2022-03-19
發佈時間：14:52 2022-03-19
字體大小
本港不少家庭都會聘請外傭，不過就不時傳出僱傭關係惡劣的事宜。網上流傳一段外傭自拍影片，用流利廣東話指責僱主，期間態度囂張，但亦同時道出不少外傭姐姐的心聲。
有網民分享該段長約1分鐘的影片，當中可見一名外傭姐姐在廚房邊吃東西邊拍片，雖說話帶有口音，但廣東話亦算流利，估計她來港工作多年。影片中她一臉不屑，邊食邊斥責僱主，指現時市場求過於供，僱主難以聘請外傭，「你畀錢幾多啫，4千幾下嘛，4千幾有幾多，仲縛你24小時，吓！放假又無得放，仲講？無話有錢大晒呀下，你而家試吓搵工人，睇下公司有無人。」
該名外傭又表示，現時外傭薪金不多，而根據本港外籍家庭傭工（外傭）的「規定最低工資」是每月4,630元，僱主必須為外傭提供免費膳食，或以膳食津貼代替，每月不少於1,173元。她指，僱主要給予合理工作量，要善待及珍惜工人姐姐，「你知唔知呀？工人都係人，唔係機械人，你要做乜就做乜，你講乜就講乜，你係老細咩都啱晒，你唔使請人你去做？好簡單，係咪呀？」
雖然未知該女傭遇到甚麼僱主及情況，但分享片段的網民指該段只是部分內容，又指「邊個請着佢都慘，一日可以上載好多段片（工人洗腦片），真係好得閒，傳聞佢係好多姐姐嘅偶像」，亦有不少僱主指她該名外傭的態度惡劣，「邊有咁討厭嘅工人，個樣真係好乞人憎」、「呢個好串，邊個請著佢激死咗都彈返起身」。
不過亦有網民認為該名外傭的話不無道理，指知道有僱主對工人姐姐諸多要求，有時連假都無，亦不可出街等，呼籲要多體諒、將心比己，「要珍惜家中的遮遮啊」、「工人姐姐無講錯啵」。
資料來源：「香港外傭僱主分享」FB
更多新冠疫情資訊請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
最Hit
八達通聽到「嘟~嘟嘟」聲要注意！ 4批八達通卡即將失效 即睇2大解決方法
2024-12-21 16:28
63歲劉德華開足72場演唱會 凍齡不老6大秘訣！長年不喝1飲品 早餐吃這些
2024-12-20 13:09
連鎖酒樓早茶優惠$29.8歎齊蒸飯+點心！鳳爪排骨飯/柴魚豬骨粥/咸水角/鯪魚球 網民讚抵：茶記都唔得！
2024-12-21 12:15