Juicy叮|港女欲與男友AA制旅行 男友阿媽擔心兒蝕底警醒「計清楚啲錢」
更新時間:12:44 2022-10-06
發佈時間:12:44 2022-10-06
發佈時間:12:44 2022-10-06
![《原諒他77次》劇照](https://image.hkhl.hk/f/1024p0/0x0/100/none/7e60713b4c6d264907e224ff743fb5b2/2022-10/12_0_11.jpg)
情侶一同去旅行容易發生爭執。有港女日前在網上發文,提到計劃與男友去旅行,現時會先各自支付機票及酒店費用,「最後都係會AA計番數」。然而,當男友的母親得知兒子支付了酒店費用後,卻擔心他被騙,更在兩人通話時刻意表示「到時去果陣,要計清楚啲食玩買嘅錢,唔好比人呃呀」,令她感到難受。
該名港女日前在香港討論區以「同男朋友去旅行,夾錢真係好煩」為題發文,提到打算與男友一同旅行,而且已計劃得甚為順利,「就係去到要畀錢果下,真係好煩」。她指,與男友商討好現時先各自支付機票及酒店費用,但強調「最後會AA計返數,只係而家畀住錢先啫」。
然而,當男友的母親得知兒子支付了酒店費用後,「開始有好多意見」,令樓主無奈地指「好似驚我唔畀返(錢)畀佢個仔咁」。樓主續指,近日與男友傾電話討論行程時,男友母親刻意大聲說話,並指「到時去果陣,要計清楚啲食玩買嘅錢,唔好比人呃呀」,令樓主懷疑對方故意「講說話畀我聽」。樓主直言,「作為女仔,點都係我驚啲啦!明明去旅行係開心嘅一件事,但因為錢銀斤斤計較,真係去都去得唔開心。」
不少網民紛紛留言,擔心樓主與男友的未來發展,又指「睇黎你未來家婆對你印象麻麻」、「唔係掛...咁樣點行落去?」、「未來家婆好難相處」、「如果結婚,婚後唔知會點」、「如果你哋冇本事買樓租樓最好快啲分手,第時結咗婚對住呢啲奶奶有排你受」、「分手啦,唔好諗將來,一定死緊」等。另有人則批評男方未有表態,並指「你男友完全冇幫你講野,咁就完了,如果婆媳糾紛,佢咩都唔理,你死硬了」、「你男友無同佢呀媽解釋返咩?無解釋=你男友有問題,有解釋=佢呀媽有問題,再一齊就你會有問題」等。
帖文來源:香港討論區