Juicy叮｜網民：SUKIYA人龍消失已跌落神檯 另一人氣壽司店命運相同？
發佈時間：11:05 2022-10-25
日本三大連鎖牛丼專門店之一的「すき家」（SUKIYA）在2019年進駐香港時，引起極大迴響，並經常出現排隊人龍。然而，有網民近日則發文指，SUKIYA的排隊情況已消失，認為「已跌落神檯」。
請點擊組圖瀏覽：
網民在連登討論區內以「覺唔覺SUKIYA已經開始跌落神檯？」為題發文，指「身邊已經無人去排，無論係黃埔定旺角」。相關帖文隨即引起熱議，有人認為不需排隊是好事，「咁唔好咩，我到而家未食過就係唔想食個普通牛肉丼都要排隊」、「食個普通牛丼唔想等位」有人則認為SUKIYA並無特別，「其實都係普通野，根本唔應該要排隊」、「堂食一般質素」、「食過覺得麻麻地」等，亦有人認為「唔覺得少人，但真心質素差咗好多，連餐牌都hea咗勁多，返工成日食」，同時亦有人反映「油麻地中午12點後長期有隊」。
另外，有人則指出SUKIYA在在日本「只係一個價錢平民嘅連鎖丼飯店，我喺日本旅行果陣唔知食乜就會去連鎖丼飯，體驗下當地人日常食嘅野 （當地價錢算係親民），不過嚟到香港見價錢貴過茶記仲要排隊就冇試過」。 SUKIYA在1982年於橫濱開設總店，其後迅速擴展，目前在日本擁有約2000家店鋪。不少分店都是24小時營業，以經濟實惠聞名，牛丼中碗價格為550日圓。SUKIYA在海外等地亦有分店，包括台灣、香港及泰國等。SUKIYA在2019年進駐香港，首間分店位於旺角，其餘3間分店分別位於黄埔、油麻地及將軍澳，而九龍灣淘大商場分店亦即將開幕，最近在鰂魚涌康怡廣場AEON地下設有圍版裝修，準備開首間港島分店。
網民認為壽司郎亦「跌落神檯」
同時，有網民則在帖文中留言指，另一間深受港人歡迎的日本連鎖壽司店壽司郎亦已「跌落神檯」。而樓主在一個月亦曾以「覺唔覺壽司郎開始跌落神壇」為題發文，並提到在黃埔及佐敦分店已未有再看到排隊情況。當時有網民留言指，壽司郎的質素已開始下降，直言「啲嘢食愈嚟愈劣，係廚房問題定供貨問題，一開始第一間壽司郎係幾正」、「啲嘢食啲質素真係差咗好多」、「真係好普通」等，亦有人認為「咁仲好啦，想食就食唔駛排、「成日咁多人排隊，我食都未食過」等。
帖文來源：連登討論區
