Juicy叮｜港女難頂男友裙腳切橙都唔識 網民教路一招了斷
發佈時間：15:47 2022-11-06
有女網民昨日（5日）在網上討論區以「救命！我男朋友係公屋港孩！！」為題發文，大呻年屆30歲的男友長不大且裙腳，揚言有意與對方一刀兩斷。網民看過長文後意見一致，一律分手處理。
樓主在貼文中批評男友「自理能力唔好」，力數其不是——不會切蘋果切橙、不懂搵路甚至換季應付天氣，永遠由母親大人照顧，是名正言順的「港孩」，在家安安樂樂做其「姐寶」、「媽寶」，因而不想自己將來有朝一日入門後，要「做佢第二個老母」。
樓主貼文和網民回應請點擊組圖瀏覽：
樓主更持別提到男友「平時有咩大小事一定係問家姐呀媽意見，聽曬佢哋講，講好聽就隨和，重視屋企人，難聽就無係姐寶媽寶一個（俾個例子大家，之前佢同佢ex一齊，佢家姐唔讚（贊）成，然後佢就同佢ex分手喇」。
男友常說「基層無出頭」
另外，男友母親的態度更令樓主更看不過眼，「有時我想我男朋友試下做d 簡單家務，佢老母就黑面琵鷺咁款」。在跟進貼文中，樓主進一步暗示男友不思進取，引述對方將「基層無出頭㗎喇」這話掛嘴邊。
雖則有云「寧教人打仔，莫教人分妻」，網民都不嫌避忌直接了當地建議「咪分囉，仲有咩諗」、「係我就分，媽寶到咁真係搞唔掂」、「分啦，幫人湊仔冇用」。
見到樓主大踩男友，有網問則反問其初心「係因為咩原因走埋一齊？」，並指溝通後對方仍無改善，「咁你自己其實都已經有答案」。另有網民看通了連帶關係，指「你男朋友係一個問題，你男朋友阿媽都係一個問題，所以建議分手」。
已婚人士作出忠告
有已婚人士更忠告樓主，「真心唔好搵媽寶男做老公，換個燈泡、水渠塞左、砌張電腦枱，都可能要你自己做，你呢世都有得受」、「結咗婚仲難頂」、「江山易改本性難移，30歲人食好住好做從來未親手做過家務，依加你要佢改掉30年的習慣去做家務？簡直比登天更難......要預左結婚後成為2個媽媽，照顧大兒子同小兒子，仲有照顧未來奶奶呢啲『工人』日子走唔甩」。
帖文來源：Dcard
https://www.dcard.tw/f/hkmacrelationship/p/240430111?cid=de033964-324a-4213-9968-9a12c0c62cf1
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
