超過730名參加者喺現場一同穿上具8項指定配飾嘅濟公服，包括濟公帽、濟公衫褲、葫蘆、佛珠、扇，布鞋及濟公袋登場。

KellyChu - 樂頌世界和平大典傳遞助人為樂精神逾730濟公齊聚破健力士紀錄 | Executive日記

專欄

更新時間：02:00 2024-06-24
發佈時間：02:00 2024-06-24

香港東井圓佛會、道教通善壇及東華三院昨日聯合舉辦「弘揚中華文化及傳承濟公精神—樂頌世界和平大典」，現場超過730名嚟自學校、地區組織和宗教團體人士，一同穿上濟公服登場，並刷新健力士世界紀錄，非常震撼。

　　730名參加者喺現場一同穿上具8項指定配飾嘅濟公服，包括濟公帽、濟公衫褲、葫蘆、佛珠、扇，布鞋及濟公袋，打破2019年339人同時穿濟公服嘅紀錄，即場獲健力士官方機構代表確認及頒贈證書。

　　東井圓佛會會長暨美燕話，刷新健力士紀錄意義重大，代表濟公文化嘅認受性得到進一步提升；濟公形象破帽破扇破鞋舊衲衣，貌似瘋癲，性格豪放，但其實係一位學問淵博、慈悲濟世嘅高僧，希望透過今次活動，可以將濟公助人為樂，無我利他嘅精神帶畀公眾認識。

　　嚟自香港潮商學校嘅3位學生表示，好開心和驕傲能夠參與打破健力士世界紀錄，雖然曾經聽過濟公呢個名，但經過今次活動，對濟公有更深嘅認識，以及喜歡濟公背後嘅意義。陳女士亦都同囝囝一齊參加活動，佢話好開心能夠打破健力士世界紀錄，認為活動對小朋友好有幫助，等佢哋認識到中國傳統文化及濟公精神。

KellyChu