KellyChu - 九龍倉助力中學生發掘潛能　實習體驗職場環境 | Executive日記

專欄

更新時間：02:00 2024-07-26
發佈時間：02:00 2024-07-26

　　由文憑試放榜到大學畢業呢段時間，好多同學仔可能都會對未來事業發展感到迷茫，為咗幫助中學生發掘個人潛能，探索職業志向及增加青年上流空間，由九龍倉等30多間機構支持嘅「學校起動」職場體驗計劃，今年為近150名中學生提供實習職位及影子工作機會，等同學仔可以率先親身體驗真實嘅職場環境，了解自己未來職業志向。

　　隨着計劃展開，九龍倉作為計劃夥伴機構，開放咗73個職位畀41間參與中學嘅同學仔報名，參與嘅業務單位包括海港城、馬哥孛羅酒店—香港、現代貨箱碼頭、太平洋會、荷里活廣場、天星小輪、香港美利酒店、時代廣場等，工作範圍涵蓋客戶服務、酒店前台、工程、內部審計、人力資源、企業傳訊。

　　九龍倉集團主席兼常務董事及「學校起動」計劃基金會委員會主席吳天海同30多位第一日返工嘅實習生會面，勉勵同學以不朽求知態度—「張開眼睛、張開腦袋、敞開心胸」，好好利用呢段實習時間，向工作夥伴虛心學習，為日後加入職場做好準備。

KellyChu