黃宗澤 踢爆王敏奕角色重要戲份悠閒
發佈時間：03:00 2024-08-11
黃宗澤、袁偉豪、王敏奕、蔡潔及關楚耀等昨日出席劇集《法證先鋒VI：倖存者的救贖》宣傳活動，眾人分享拍攝感受，黃宗澤笑言感受到TVB很愛錫「家嫂」王敏奕，因對方劇中的角色雖然很重要，但卻是最悠閒的人，只在頭、尾集出現，不過王敏奕指一點都不輕鬆，在日本拍外景時因天氣嚴寒，凍到講不出對白。
黃宗澤和王敏奕之前為新劇《法證先鋒VI：倖存者的救贖》到日本大阪拍攝兩星期外景戲，由於當時是冬天，故兩人要在寒冷天氣下於森林拍攝，黃宗澤透露有場戲兩人在湖邊拍攝，雖然氣氛浪漫，但氣溫只有零下7度又落雨，穿了羽絨也沒用，凍到連對白也講不到。提到王敏奕在劇集宣傳片中着婚紗被網民指肚凸凸，她指當日只食了一條香蕉：「可能角度問題，自己冇留意，不過𠵱家流行曱甴肚。」黃宗澤則指她當日的婚紗其實細了一個碼。黃宗澤在另一套新劇《執法者們》中要到鑽油台拍外景，他指相比之下，日本外景輕鬆很多，收工後可去食飯：「在鑽油台不能出街，又冇嘢食，收工仲要喺嗰度瞓。」提到不少已看過《法證VI》的內地網民指今次劇集太多感情戲，黃宗澤說：「睇吓有冇7，有就取返個平衡，成隊人去日本查案。」至於佘詩曼早前為《法證VI》宣傳，黃宗澤指是監製鍾澍佳的旨意，問到何時會開拍《新聞女王2》？他透露有提過是今年年尾或下年年頭。
袁偉豪堅持唔違反道德
此外，蔡潔、袁偉豪表示劇中只有兄妹情，蔡潔稱今次的感情線仍然在關楚耀身上，因為上一輯雖然只是一個單元，但迴響很大，今次對方強勢回歸，但大家也估他做人定做鬼，她又指拍攝時很崩潰，因為處理角色很難，所以都喊了幾個月，但不透露是否會黑化及被劏。提到今年有港姐似蔡潔，她表示有留意但覺得並不相似。
袁偉豪則謂今次主要呈現自己與黃宗澤、蔡潔「鐵三角」的默契，同時幽默感也會多一點，至於與馬貫東及傅嘉莉的戲份則比較難受：「角色係好無奈，好兄弟兼同僚殉職，殉職之後遺留咗遺孀同埋佢仔仔，到底點處理呢件事，搞到自己精神狀態唔係咁好，感情上到底應唔應該要行前一步，定係朋友妻咪走雞？但演繹上我都比較內斂，冇違反道德。」
