張諾 - 豬油撈麵 | 任意行

專欄

更新時間：02:00 2024-09-23
發佈時間：02:00 2024-09-23

　　路過上環，見「元朗合隆潮州粉麵」的店面乾淨企理，招牌大大隻字寫上︰「豬油撈麵」、「爆汁牛丸」……沒理由不入內一試。

　　一紙白紙，分湯底、自點配餸、各式麵底，最特別可以選豬油撈麵、豬油撈米、豬油撈河、豬油撈針（估是銀針粉）和豬油撈飯，無豬油不歡。

　　除了以上自由配搭，還有「定食」，包括豬伙湯粉麵、侯柱炆牛腩麵、花雕鮮醉雞湯麵。特色小食好精彩，有花雕醉雞翼、胡椒芫荽湯牛肉餅、胡椒豬手尖、豬紅湯、脆門鱔魚皮、冰鎮（或麻辣）墨魚頭等等，樣樣都想試，可惜今次來不太餓。

　　自選最好玩，要了店方「原配白胡椒湯」，三餸包括鮮牛脷、店方的爆汁牛丸和潮州蠔仔，配豬油撈麵。下次來，或會選豬粉腸、豬心、豬大腸、豬肺……看來鯪魚球和魚片頭都不錯。

　　上桌，三餸浸在湯內，豬油撈麵另上，呷一啖湯，白胡椒味香濃而不辣，十分惹味，鮮牛脷好新鮮，啖啖濃郁牛脂味，非急凍貨可比，爆汁牛丸被切開上，味道好，但不見了爆汁效果，下次要原粒上，蠔仔非常鮮甜，這個組合又鮮又香。豬油撈麵，是撈油撈，麵條不夠爽，豬油也欠心所想的幽香，加豉油吃，滑滑的口感，侍應教加一點魚露，果然提鮮增香，下次可以再來試其他小食。

張諾