陳法拉佩服張家輝拍攝精準

星島日報-娛樂

更新時間：03:00 2025-04-16 HKT
發佈時間：03:00 2025-04-16 HKT

　　陳法拉在張家輝自導自演的《贖夢》中擔任女主角，為了參與這部電影，法拉兩個多月來香港美國兩邊走，早前更特意回港3日2夜為電影宣傳。法拉接受訪問時就大談首次與家輝合作的點滴。
談到首次參與家輝執導的電影可有壓力？法拉笑言：「我諗我俾壓力佢多啲，因為第一次合作。家輝好清楚自己劇本、想點拍點演，所以我就俾佢帶住去做。」她又大讚家輝好精準，連把較剪放在那個位置都計得好準，令她不用想太多，放心專注演戲。
自爆瘦臉秘密
戲中陳法拉飾演張家輝老婆，二人因一次投資嚴重失利，陷入一個萬劫不復的巨變，法拉更因此變得瘋癲。法拉爆家輝要求她減肥，估計是因為她飾演一個長期處於瘋癲狀態而變得落魄的角色，可惜當時撞正聖誕節她和家人去了法國，美食當前相當大誘惑，法拉自爆拍硬照時唯有出「嗱喳招」瘦臉，笑言：「家輝自稱減咗好多磅，我就減咗10磅，但望落去唔覺，特別上鏡都未覺好瘦，影硬照時我就出『嗱喳招』，咬住個腮，望落去會瘦啲，但拍攝時講對白就冇辦法啦。」
法拉曾與劉俊謙合作舞台劇《前度》，相隔近9年再度合作，可惜今次只得一場對手戲，法拉坦言感到失望，並大讚對方當年做舞台劇，只是剛畢業，現在可以獨當一面做男主角，非常厲害，並希望將來有更多機會可以跟對方「過招」。

↓立即下載星島頭條App↓