KellyChu - 九倉成都Niccolo酒店十周年慶祝晚宴名人匯聚衣香鬢影 | Executive日記

專欄

更新時間：02:00 2025-04-22 HKT
發佈時間：02:00 2025-04-22 HKT

　　唔少香港發展商自內地改革開放以來都好努力喺內地深耕，九龍倉喺最積極之一。除咗喺國內城市搞國際金融中心（IFS）同住宅項目，過去十年更積極發展酒店網絡。但要在二線城市由零開始打造新品牌並不容易，少一點眼光和自信也不行，而九倉用心打造的Niccolo酒店品牌，十年來已取得亮麗嘅成績。

　　上星期Kelly參加九倉成都尼依格羅酒店（Niccolo Chengdu）嘅十周年慶祝晚宴，係Niccolo品牌嘅第一間，賣點低調奢華、都會時尚，與藝術融合，酒店周圍放置好多出自名師嘅藝術品，更正嘅係酒店喺正成都市核心商圈，交通方便，一落樓就係金融中心地帶，衣食住行食買玩，輕鬆方便。

　　行程中，Kelly聽到酒店唔同崗位嘅員工由開業加入到現在，整整十年，佢哋服務殷勤用心，看得出佢哋對酒店好有歸屬感。Kelly有幸十年前後見證這酒店嘅重要時刻，十周年晚宴排場盛大，席上不乏多個國家駐成都的領事和品牌高層，衣香鬢影，十分熱鬧。九倉主席吳天海喺俾賓客嘅歡迎信中提到，十多年前籌備開業時，不少商業夥伴對在成都開業有點躊躇，不過過去國金中心和酒店嘅亮麗表現，足證明成都嘅潛力和活力，對一眾商戶及商業夥伴也有交代。

KellyChu