李蘊被揭借濕身照博成名

星島日報-娛樂

更新時間：09:39 2016-06-14
發佈時間：01:12 2006-08-31

(星島日報報道)就有關Cream成員李蘊早前為雜誌拍濕身照而引起軒然大波一事，昨日本報收到一張自稱「抱不平的無名氏」寄來的信件及告密CD，聲稱CD內收錄了李蘊經理人Peter和旗下藝人吳莜茵的對話內容，涉及李蘊拍濕身照後的一些內情。信件指出李蘊與母親於6月24日於新城電台發表聲明後，當日晚上於一間餐廳用膳，當時Peter將自己用手機拍下李蘊的濕身照片展示給吳莜茵看，覺得濕身照事件令李蘊聲名大噪，更為此感到開心﹗

　　對話內容如下︰

　　Peter(李蘊經理人)、Candy(吳莜茵)

　　Candy︰咁依家Renee(李蘊)咪即刻民望高咗﹖

　　Peter︰犀利啦﹗其實捧咗佢啦﹗好靚呀﹗即係捧咗3版嘢呀﹗知唔知呀﹖

　　Candy︰係囉﹗好犀利呀﹗真係好正面……

　　Peter︰係呀﹗

　　Candy︰我覺得好似佢呢嘢，仲靚(過)雜誌嗰啲喎﹗

　　Peter︰係呀﹗

　　Candy︰咁咪靚囉﹗

　　Peter︰咪搞到佢直情根本紅晒啦﹗個個都打俾我，紅咗啦條女﹗你條女紅咗啦﹗依家，恭喜你﹗唉﹗使乜擔心呀﹗真係……學啲網話齋，世界盃都十條街，彈開﹗

　　Candy︰嘩﹗哈…哈…哈…

　　李蘊︰都……忍吓囉﹗即係…都唔會話…即係話好似人哋……

　　對於報館收到CD一事，Peter作出回應，表示亦聽過有關CD內容，承認電話中的確是他，但對話卻被人移花接木過，部分是由他在會議的談話中輯錄出來，對話中他只是轉述別人的說話，因有不少人曾致電給他，指李蘊紅了，並不是他個人的意見。Peter強調自己沒有就誘拍濕身照一事而開心，一直都感到很無奈和擔心。

　　Peter透露此事會交由律師去處理，始終「偷錄」行為是違法的，涉及「私隱」條例，問到有否懷疑是哪些人做的﹖Peter直言︰「都唔難估，李蘊之前出席過聲討大會，跟住又發生呢件事，我都發覺自己有畀人跟蹤，希望你哋幫我伸張正義﹗幫我澄清番件事﹗」

　　而李蘊亦表示﹕「我知有段聲帶寄咗畀傳媒，把聲絕對唔係我，嗰晚我根本無同Candy見面，我覺得有人有心誣衊我，一切都交由經理人處理。」