專輯寫真博到盡 傅穎：我付出好大努力！
發佈時間：00:00 2008-07-21
傅穎（Theresa）憑去年首張EP《My Cup of T》，獲得IFPI最暢銷本地女新人獎，而繪本散文《T with Sunshine》，亦是去年書展十大暢銷書之一，驕人成績有目共睹，所以當她在某一天主動跟我說想出寫真集，我只哈哈笑了兩聲，便應承了。我為她推出首張專輯《Smiling》，更隨碟附送耗資7位數字拍攝的寫真集，並於7月23日書展舉行首日率先發售，寫真集分《Gracious》、《Sensuous》兩本，形象高貴性感兼而有之，實屬收藏佳品。主持：黃栢高統籌：林永匡、彭燕燕協力：袁東亮、廖思慧
傅穎於去年推出只有6首歌的EP《My Cup of T》，歌藝經過磨煉明顯進步不少的她，收錄10首新歌共兩款封面的首張大碟亦於一年後推出，我特別為她找來有潛質的音樂人製作歌曲，全碟也以K歌為主，可以令她容易掌握之餘，亦令大眾容易接受。
「碟內有好多唔同類型嘅歌，感覺好豐富，亦好滿足。呢半年，我付出好大努力，公司亦為我花咗好多心機，揀啲好好聽又入耳嘅歌，好似林若寧填詞的《悲劇女孩》，悲中帶喜，詞又填得好，真係好鍾意呢隻歌。另外，《愛敵人》內有Rap的部份，平時講嘢有啲「甩咳」，反而Rap起上嚟好順，好好玩。真係好Enjoy喺台上唱歌跳舞嘅感覺，所以好期待可以上台Rap。」
寫真物有所值
傅穎首本個人寫真集將隨大碟《Smiling》附送，公司更特別請來日籍造型師為她設計超過30多個不同造型，除盡顯青春本色的可愛大眼妹形象外，更鮮有地穿上比堅尼泳衣及內衣在牀上拍攝，分《Gracious》及《Sensuous》兩本不同風格，每本140頁，必令歌迷大飽眼福。
「雖然喺日本由朝影相影到晚，每日瞓得3個鐘，但我都拍得好開心，更因為開心而令到自己胃口大開，平時喺香港唔會食嘅雪糕同朱古力，喺日本就係咁食。另外，因為我一肚餓就做唔到嘢，所以每朝工作人員都會喺便利店買定飯糰比我上車食。你哋依家睇嘅寫真集相只係冰山一角，仲有好多造型，當中最尷尬係着內衣，因為個攝影師係男仔，全場又有十幾對眼望住我，起初好唔自然，但習慣咗就OK。至於書裏面嘅內衣全部都係我嘅私伙，始終用自己嘢最舒服。」
轉形象急彈
近年以日本妹造型迷倒大量少男的傅穎，去年染金髮轉形象後，人氣急升，更被封為「?界女神」，工作機會不斷，緋聞亦隨之而來，孰真孰假，大家很快便知道。
「因為去年有機會出第一隻碟，當時就同髮型師商量轉形象嘅事，然後決定染髮染眉，之後覺得眼珠太黑，就轉戴啡色隱形眼鏡再轉化妝，所有嘢都係一步步做，好自然，我唔想做『?界女神』，唔想規限自己。其實以前形象好模糊，轉咗之後先開始清晰，起碼出街唔會再有人認錯，所以藝人喺唔同階段真係要轉變，而於嗰啲緋聞全部都係假嘅，同Lester（林孝賢）識咗好多年，耐冇見咪約食飯囉，就係咁簡單，至於胡清藍，我同佢同年㗎，平時大家好似同學見面式咁傾偈，講真，我鍾意成熟啲嘅男人，最重要唔煙唔酒唔蒲，因為我呢三樣都唔好，如果男朋友嗜好同我一樣，就唔需要互相遷就。」Paco 傅穎
