煞科終戰 粉絲撐場 熱捧曼聯餐廳
發佈時間：00:00 2010-05-08
明日（5月9日）就是英超煞科戰，究竟曼聯能否奇蹟地後上贏得聯賽冠軍，粉絲就最緊張喇！身為曼聯迷的米珠蓮亦不例外，碰巧香港首間曼聯主題餐廳開業，一於約埋友人一邊透過全港最大的103吋LCD電視欣賞比賽，一邊品嚐美食，咁先夠氣力為曼聯打氣嘛！
其實米珠蓮早知印尼、新加坡、日本都有曼聯餐廳，而香港這家則是曼聯在全球第九間主題餐廳。餐廳分上下兩層，下層是精品店，上層則是餐廳及酒吧。餐廳內盡是曼聯簽名式的紅黑裝潢，多面牆身皆貼滿球隊歷史圖片、珍貴相片和傳奇球星介紹，儼然一個小型展覽館。這裏的用餐區設計開揚，兩大VIP區則以鐵絲網分隔，牆身飾以曼聯主場場景，給人身歷其境之感。另更設置多部大電視，而矚目焦點就是全港最大的103吋巨型Plasma，大班朋友在巨幕前欣賞曼聯比賽，感覺一定很High。1
米芝蓮級數美食
食物方面主打西餐，引入多款由曼聯球會制定的官方菜式和雞尾酒等，加上餐廳行政總廚Philip曾於米芝蓮星級餐廳任職，出品有保證。米珠蓮就最愛頭盤三冠王三文魚，三文魚以煙燻、燒烤及刺身三種不同方法炮製，刺身可嚐到三文魚的原鮮味，燒烤三文魚則外香內軟，而煙燻三文魚的獨特燻香亦相當吸引，味覺層次豐富。
另一推介是七重天雞翼春卷，起骨的炸雞翼春卷本身特色欠奉，但勝在每隻雞翼分別淋上蜜糖芥醬、紅菜頭汁、咖喱、忌廉汁等七種醬汁，令春卷變得香口又有特色，送啤酒一流。主菜必點有波士頓龍蝦意粉及烤澳洲羊架，前者爽脆鮮甜，後者烤得鮮嫩多汁，皆屬實力之選。若說健康推介，大家要試試「卡寧頓訓練基地餐單」，這是百分百曼聯球員所食的餐單，包括皮理雞柳在內的七個菜式，全部標榜低脂、低卡，可能你吃過後都會像朗尼、傑斯一樣咁Fit呢！
曼聯主題餐廳
地址：尖沙咀樂道32至34號地舖
查詢：2366 4880
圖：蔡建新Model：Nathan、Amy@Talent 100
文：米珠蓮
