滿身肌肉煩惱多羅仲謙40吋巨胸逼爆鈕

頭條日報-娛樂

更新時間：19:45 2015-06-18
發佈時間：00:00 2011-06-17

       擁有40吋巨胸的羅仲謙（謙仔），最近成為啤酒品牌代言人，在鏡頭前慷慨騷胸的他，原來因為太大隻而難搵到合適衣服，所以唯有暫停操肌。本報記者
      羅仲謙自從以肌肉男形象示人後成功上位，所以不少廣告商都睇中他的靚靚身形，找他代言產品，最近就有韓國啤酒品牌找他擔任代言人，不過謙仔少不免要露點，硬銷他的40吋胸肌。由於近期工作量大增，謙仔也不能常到健身室，所以拍攝當日謙仔索性把握化妝等埋位時間，跑街做掌上壓，十分勤力。
      雖然努力操肌令身形十分有睇頭，但卻為謙仔增添置衣的煩惱，他說：「近年男裝興slim cut，西裝恤衫好多唔係手臂過唔到，就係扣唔到鈕，好尷尬！始終不能每次出席活動都着T恤。」為了在賺買衣服時有更多選擇，謙仔決定暫時停止練大隻，轉為努力保持身段，他表示，其實擁有40吋胸已經好滿意呢！