名人戰商界——王俊棠7位數賣點心 慶幸搵到好拍檔
更新時間:03:12 2015-06-19
發佈時間:00:00 2011-10-28
發佈時間:00:00 2011-10-28
經常飾演惡人角色的王俊棠,早前榮陞老闆跟3名拍檔合資200萬在天后開設始點心店「功夫點心」。多年來曾投資過不少生意的他,認為藝人搞生意最重要搵到一些信得過兼有經驗的好拍檔,才可以成功兼顧兩邊事業。採訪:杜淑霞
王俊棠多年來投資過不少生意,大部份以食肆和酒廊為主,當中有賺有蝕,不過最慘痛一役就是被伙計穿櫃桶底,「嗰次酒廊個經理突然炒咗個收銀搵過第二個,之後啲生意一落千丈,明明好多客都冇錢賺,後尾先知個新收銀原來係佢老婆,佢哋夾埋嚟落格。」
現在王俊棠揀拍檔和夥計都會特別小心,好在今次開設「功夫點心」的拍檔大家相識多時,加上都有多年開食肆經驗,所以管理方面令他很放心,「我個人坐唔定,唔會成日喺舖頭打躉,基本上都係靠拍檔佢哋打理,但係佢哋好信得過,就算我成日飛嚟飛去登台都唔使驚。」
下月再開分店
「功夫點心」7月開張以來,生意不俗,王俊棠決定跟拍檔在深水埗福榮街再開分店,「舖頭預計下月23日開業,揀嗰區係因為好多人會專登去嗰度搵好嘢食,人流夠晒多。」