名人戰商界——拒續約TVB 黃宇詩轉行賣Bra
發佈時間：00:00 2012-04-20
已脫離TVB的黃霑女兒黃宇詩，最近投資六位數字搞內衣生意，她說：「以往我買嘅內衣都要成千蚊，但着半年至一年就要換，太貴喇，但平嘢個胸墊又太硬好唔舒服。」她看準中價內衣巿場在港未算普及，便決定創立自家品牌「me Me & ME」。不過卻要由網購開始，皆因舖租太貴；幸好開業兩個月生意不俗，她期望半年回本，目標是開樓上舖。撰文：李佩儀
「幾年前，原本想做布袋生意，但最後覺得唔可行，自己又鍾意買內衣，咁不如做內衣生意。」為了切實執行，她進行巿場調查，又看書學習，兼請人與她一齊研究點做，最後更親自設計內衣。籌備近一年，第一批貨終於面世，但隨即又要準備第二批、第三批貨。
40歲前博一舖
一個人做生意必定吃力，她坦言：「原本有個partner，後來發覺大家方向唔係好啱，咪自己搞囉。」因為要做生意而拒絕跟TVB續約？她說：「其實成份好少，最主要係做《都巿閒情》做咗好多年，去到一個年紀應該要轉吓，再等多兩、三年我就40歲，趁而家仲有少少後生，否則就跳唔到出嚟。」
公司位於荃灣的她每天返朝十晚八，主要工作是努力設計不同款式的內衣，跟進客人的定單，始終第一次創業，凡事都要親力親為。
問媽咪華娃有無幫襯時，她即哈哈大笑說：「無，佢好大，同埋佢好傳統，有墊唔啱佢㗎；不過佢開頭見我做到好憔悴，都有問我使唔使幫手，但佢嚟到我仲擔心吖。」還是自己一腳踢比較好。
「三個我」的由來
黃宇詩將品牌起名為「me Me & ME」，為何有三個「我」咁多？她解釋：「因為『我的咪咪』嘛。」原來頭兩個「me Me」，是「咪」的鞋音，最後一個「ME」是我咁解，又幾有創意喎。
