柏豪緋聞女友「變節」鍾浠文遇余文樂見暈

頭條日報-娛樂

更新時間：13:11 2015-06-19
發佈時間：00:00 2013-04-24

       出身自模特兒「名校」Starz People的余文樂，自離開後由師弟周柏豪接棒，跟「翻版徐子淇」鍾浠文（Zelia）齊齊上位成為公司主將，再加埋過江龍鬼妹仔Taylor R.，火併愈開愈多的模特兒公司。一位是型仔師兄，一位是有感情的拍檔，Zelia竟手指拗出唔拗入，笑笑口力讚前者，「我覺得樂仔型啲！」採訪：方騫平攝影：畢紹基
      Starz People開業15年，捧紅的藝人、名模多不勝數，包括有Maggie Q、Lisa S及Amanda S.等，老闆雛世龍說：「我哋長期Keep住有100位Model，七成來自外地，亦係我哋公司主要嘅收入來源。最新力捧嘅有來自加拿大嘅Taylor R.，佢只得24歲，有Maggie Q影子，個樣夠甜又好得意，係古巨基自創品牌嘅御用Model，好多Fans㗎！」老闆仲大讚Taylor R.夠勤力，為打開大中華市場而努力學習國語，冇工開都唔會去蘭桂坊蒲，只會留喺屋企做宅女，努力在互聯網上載最新個人資訊，抵讚！
      鄒老闆撥大葵扇
      至於27歲的鍾浠文因為來自上海，廣東話未夠叻，有待努力改進。有見09年跟周柏豪曾傳過緋聞，連雛世龍都忍不住撥行大葵扇：「咁你叫柏豪教你廣東話嘞！」豈料鍾浠文卻不領情，笑說：「我教佢講國語多啲！」之前她在柏豪個唱上演過一幕火辣辣的激吻真人騷，不過，她依然情迷「師兄」余文樂：「我覺得吳雨霏好有眼光！我見過樂仔真人，好有型，真係暈咗。」


■鍾浠文及Taylor R.是Starz People的力捧Model。