李亞男澄清無患過抑鬱症

星島日報-娛樂

更新時間：02:32 2017-10-25
發佈時間：03:00 2017-10-25

　　(星島日報報道)王祖藍跟太太李亞男昨日參觀九肚山豪宅「尚珩 La Cresta」。早前有傳李亞男曾患抑鬱症，亞男首次親身澄清否認傳聞，她笑說：「今次真係多得你（王祖藍）唔少喇！」
　　王祖藍跟太太李亞男大讚此屋苑啱心水，祖藍說：「我怕塞車，唔想一入個區就塞10幾分鐘，我同亞男依家都鍾意住近高速公路嘅地方。」問到是否打算買新屋，好讓亞男父母回港湊孫？祖藍說：「佢（亞男）話睇吓啫！因為未真係有BB嘛，咁通常外父外母都比較緊張，所以睇吓，又或者投資啦！」
　　此外，問到亞男是否心情已好很多？祖藍笑說：「佢都無病！佢最多都係相思病，如果相思都變抑鬱症就無辦法喇！」亞男接着說：「傷你啊？」即時逗得祖藍哈哈大笑，他笑說：「係互相思念，唔係傷害我嘅傷！」一臉無奈的亞男再解釋說：「剛剛結婚祖藍去橫店拍劇3個月，嗰段時間有啲唔開心，英文係Depress，唔係Depression。」