震撼屯門牛｜華都商場聖誕裝置出爐 馬槽內得聖嬰無聖母 網民揭製作人身份
發佈時間：19:29 2022-12-22
每年聖誕，各大商場及大廈都會佈置聖誕裝飾，增添節日氣氛。有屯門街坊日前在社交平台發文，指華都商場的聖誕佈置終於出爐，但馬槽內只餘聖嬰，聖母瑪利亞及若瑟欠奉，有網民笑言整個佈置充滿個人風格，但亦有透露設計聖誕裝置的原來是一位伯伯，每年都會用心制作，希望將快樂帶給居民，「以前我都覺得好好笑，直到有年見到個伯伯喺停車場度好用心慢慢咁整，從此我就由笑變到學會欣賞」。
有網民在facebook「真●屯門友」群組內發文，指華都商場今年的聖誕佈置終於出爐，但裝置內只有詢眾要求的聖嬰，但沒有媽媽及馬。根據她上載的相片所見，有關裝置被吊在扶手電梯大堂中間位置，聖嬰被放在箱內，附近則有一棵沒有掛上飾物的聖誕樹，另外有數盞聖誕燈。
帖文引起網民熱議，不少屯門街坊指華都商場每年的聖誕裝置都充滿個人風格，別出心裁，今年亦不例外，「都每年聖誕裝飾都唔會令人失望，每次都好爆趣」、「其實整個個人都好想帶歡樂畀大家」、「我覺得有限嘅budget整得咁有心思已經好好」、「華都商場嘅節日佈置，永遠唔會令人失望！」，不過有人卻認為可以將聖誕裝置放在地上，「真係唔識欣賞，好地地放喺地下咪冇事囉，凌空吊起個棄嬰係咩玩法」、「無馬槽無媽媽咁呢個應該只係棄嬰唔係聖嬰」。
另外有網民亦再次回顧華都商場往年的聖誕裝置，其中有一年的裝置便是一個巨型木槽掛在大堂中央位置，聖嬰放在草製的箱內，瑪利亞則坐在旁邊，另有3隻由紙板制成的馬圍在聖嬰四周，「呢個好震撼啱啱加入做屯門牛嘅我」、「原來華都商場啲佈置平時都咁特別」、「呢個經典，當年我係咁帶人觀摩」、「完全體現香港人土地住屋問題，以前人地叫踎樓梯底，而家踎電梯底」。
●回顧屯門華都商場歷年裝置●
其後有一名屯門男街坊大爆華都商場每年的聖誕裝置全都是由一名伯伯親手制作，極具心思，認為所有人都應該學懂欣賞，「以前我都覺得好好笑，直到有年見到個伯伯喺停車場度好用心慢慢咁整，從此我就由笑變到學會欣賞…我唔肯定佢係管理員定邊個，但都一把年紀好用心，自此我真心欣賞呢啲作品背嘅努力」。他補充，伯伯製作這些裝置的出發點，應該是想大家見到開心，「老實講，商場呢啲佈置買返黎擺有幾難，而家難得仲有人肯用心去自製，雖然未必係大眾覺得靚嘅嘢，不過嗰份心思係值得尊重」。
