西貢鯨魚｜小鯨死 誰之過？網民鬧爆最多係呢類人
更新時間：15:24 2023-07-31
發佈時間：15:24 2023-07-31
發佈時間：15:24 2023-07-31
字體大小
小鯨魚罕有地出現香港，一舉一動帶來市民「魚樂無窮」，但市民追看的好奇心，嚴重粗暴干預小鯨魚的逍遙遊，無數觀光船包圍的「七月圍鯨」，小鯨魚不單無辜承受皮肉之苦，遭螺旋槳弄傷；健康狀況更是每況愈下，最終命喪西貢海域。
相關新聞：有片 │西貢布氏鯨浮屍牛尾洲海面 船家：俾車葉打到啲腸都咇埋出嚟
消息傳出後，網民瘋狂洗版，不少人同情小鯨魚的下場，鬧爆曾經出海追看的市民：「好啦安樂啦玩死佢喇！！」、「有份出海睇佢既都係兇手」、「人類真係好可怕，咁就害死左一條生命！好可悲！咁鍾意打卡嗰班人，點解宜家唔去打卡呀？」、「星期六日個個都仲碰運去觀鯨，班人小心被天收」、「死亡之旅！兇手都是觀鯨者」。
亦有網民認為政府及海洋專家責無旁貸：「唔止條鯨魚死左 連班海洋專家家都唔知死左邊度 一早安排誘導返大海 可能仲有得救」、「漁護署有返工？有阻止人類再近距離再接觸受重傷鯨魚？」、「海洋公園和漁護署或環保處都冇適當地處理保護此鯨魚誤入本港海域，但係是否冇能力或其他原因呢！」、「政府付上很大的責任」。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
