世紀暴雨｜石澳道搶修後火速重開居民大讚政府反應迅速「做到嘢」

更新時間：17:39 2023-09-10
發佈時間：17:39 2023-09-10

世紀暴雨破壞本港多條道路，石澳因塌山泥及路陷淪為「孤島」，居民需在政府協助下撤離。石澳道今日（10日）經搶修後重開，可供單層巴士往來石澳及筲箕灣，多名居民讚揚政府今次反應迅速，即時安排居民撤離暫避外，又立即派員搶修石澳道，讓居民可進出石澳。

《星島頭條》記者今日到石澳了解，發現石澳道部份路段實施單線雙程行車，路面有大量積水，當車輛駛經時會濺起半米高的水花，至於損毀路段則以水馬和雪糕筒圍封。另有居民亦趁交通恢復後，立即出市區買定未來兩三日的糧食及日常用品。

市民吳先生表示，事發當日他剛巧外遊回港，乘的士回家時一度被困水中央，最後要到女兒的寓所暫避兩日，至昨日他才乘搭快艇回石澳。他指自己生活在石澳逾40年，從未遇過「咁大嘅雨」，「真係人生未試過，返中學嗰陣就試過大雨山泥傾瀉，搞到被困」。他認為今次政府反應迅速，立即安排人員到場搶修石澳道，讓居民可以進出社區購買物資。

至於居民高先生亦大讚政府今次「做到嘢」，「政府做得幾好呀，初時以為要長時間修復得到，估唔到而家咁快」。他指朋友昨日在政府的協助下撤離到市區，但他則繼續留守家園，「諗住睇下點先啦，部份地區都仲收到網絡，咁咪去嗰度同外界通信，同埋屋企仲有少量物資，所以夠頂，都唔係封左好多日姐，都係一兩日」。

另外居民葉先生亦表示，初時以為石澳道需要至周一或周二才完成搶修，「政府做得非常好，無諗過今日已經可以通車，呢度水電都好穩定，可能屋企有小朋友老人家嗰啲會比較擔心，始終固網電話又壞埋，上唔到網」。

---

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ