西九奪命工業意外｜遺孀盼尋回公道：發生乜事都唔知霎時間就無咗個人

更新時間：22:08 2023-09-24
發佈時間：22:08 2023-09-24

西九龍柯士甸道西一個地盤周日（24日）發生奪命工業意外，61歲郭伙記被發現倒卧在管道6米地底，懷疑吸入氣體不適暈倒，送院搶救後不治，令一家四口昔日天倫樂畫面不復再。遺孀指早前叫丈夫趁周五中秋節買多一盒月餅應節，詎料現時天人永隔，「佢鍾意食五華火腿，年年都會整盒返嚟，之前仲諗住一齊食，而家都無乜可以點打算」。

死者郭伙記與妻子育有一子一女，一家四口居於天水圍一個單位內，郭妻指兩名子女剛出身，而且夫妻倆又積蓄不多，丈夫只好延遲退休。她指丈夫在涉事公司已經工作十多年，平日「乜都做」，每天下午5時下班，平日丈夫都「好有交帶」，只要遲下班都會打電話告知，「如果平日OT一定會講，但噚日就奇怪，一個電話都無，打畀佢又飛去留言信箱」。

相關新聞：西九奪命工業意外｜死者親友寓所外拜祭哭聲震天遺孀：原定12月出席細女畢業禮
相關新聞：西九奪命工業意外│兩死者家屬醫院哭崩質疑昨天已出事：冇人睇住㗎咩？
相關新聞：西九兩工人昏迷地底疑吸入沼氣送院不治

對於丈夫遲遲未歸家，郭妻徹夜難眠，一度想報警求助，但礙於未過24小時，最終沒有報警，直到今日早上她才輾轉聯絡到丈夫的上司，「我同佢講我去報警，佢仲叫我唔好報警，話返去地盤睇下先，佢好似乜都唔知」。

郭妻指事後承辦商及分判商有意發放恩恤金，但她認為現時所有事都不明不白，不應該「咁快畀錢」，「發生乜事都未清清楚楚，乜都未明白，我哋淨係想要返個公道咋」。望到客廳中央的藍色櫈仔，郭妻憶起平日丈夫下班後的一點一滴後非常傷感，「日日我放工返嚟，佢都坐喺度睇電視，之後玩下啤牌，霎時間就無咗個人，唉....」。