海防道劫案│附近店舖職員驚聞「快啲跑」驚有事 腳都震！
更新時間：15:51 2024-05-07
發佈時間：15:51 2024-05-07
發佈時間：15:51 2024-05-07
字體大小
今日(7日)尖沙咀海防道名人鐘錶珠寶店發生企圖打劫案件，被早已埋伏探員先發制人，將賊匪一網成擒。有目睹探員出擊一刻的隔鄰店舖職員坦言當時氣氛緊張，聽到探員不時叫人「快啲走」，不諱言「梗係驚，腳都震！」
相關新聞：尖沙咀海防道5匪持械打劫珠寶店 埋伏警員一網成擒
海防道時裝店與遇劫珠寶店相距不遠，店員馮小姐說最初聽到人話「快跑、快跑」，跟住就好多人跑。我出嚟見到有幾個蒙住面嘅便衣，喺架車附近行出行入，當時鐘錶店已落咗半閘，有個街坊走去睇，見到舗內有三個賊俾撳低落地。」馮又指「最初唔知佢哋（便衣探員）係乜人，都好驚，腳都震。」對於有關珠寶店三番四次成為賊匪目標，對相隔不遠的馮小姐來說，她直言「梗係驚！」
相關新聞：海防道劫案│警匪激烈糾纏 探員拔槍 徒手制服賊人
而在海防道35-37號另一間鐘錶珠寶店的職員胡先生說，事發時見到至少十名警員到場，便衣探員不時在涉事珠寶店出入，又聽到探員叫人「快啲走」，他說「都驚有事，唔敢走咁出睇。」對於涉事珠寶店多次成賊匪目標，胡的店舖與其毗鄰，他坦言「都有啲擔心，見到都有三次！」
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
