灣仔車輛墮電車軌｜一日兩宗 再有七人車誤闖 司機斥指示不足：任何司機都反應唔到！
發佈時間：14:35 2024-08-20
「一不離二」，今日（20日）早上約9時，一輛的士在灣仔莊士敦道誤闖入電車路軌的掘路工程範圍內，車胎跌入電車路軌坑洞卡住。未料4個半小時後，一部七人車又重蹈覆轍，駛經該處亦同樣跌入電車路軌坑洞，動彈不得，有網民謔稱「人類總係重複犯錯。」肇事司機則批評電車公司放置指示膠條位置太遲，不夠時間緩衝，「任何司機都反應唔到啦！」
現場工程範圍涉及一段約4米長的電車路軌，路面掘開約一呎深路坑，並豎立「電車以外車輛不能駛入」的告示牌。繼早上9時的士「落坑」後，今日中午1時36分，警方接報指一部七人車在莊士敦道跌入電車路軌卡住，警方列作交通意外無人受傷。這是4小時內第二宗。有網民戲稱「第二位中招。等睇第三個」，亦有網民明言「設計有問題」。有網民批評司機駕車不專注，「又嚟一單？路面禁止牌你睇唔到，都睇到封正中間嘅顏色發泡膠條，高度喺正大銀幕，都照衝？」，「證明好多駕駛者都唔睇牌之餘，連條路有變化都唔睇，最緊要睇手機㗎咋」。
但肇事七人車司機現身說法，「路牌指示做得唔夠好，如紅白膠條擺後啲，畀多啲緩衝人，到我真係衝出去都有一段時間停喺度，你得1米距離都冇，任何司機都反應唔到，我又跟住架電車，架電車咁大架，完全阻礙視線，要拖車拖返上嚟。」他說現時駛往車房驗車，對於會否向電車公司投訴，他直言「睇吓車有冇損毀」。
由於相同位置第二次有車跌落電車軌，電車公司增派人手到現場指示司機，如非電車不可直駛，需轉右線再前行。但亦有網民指責路面指示不清晰，「完全要道路維修這班人賠償。有乜嘢可能喺道路維修前面維修牌度提示⋯是不是應該要向前20米，通知各司機前邊有道路維修。大家睇到佢告示的道路維修，同佢維修的地點相隔有幾遠，叫啲司機邊度留意到，前行電車已經借（遮）擋住道路維修的通知，所以將個責任轉告返路維修者。」
電車公司回覆查詢時，提到路軌施工事前已作數項準備，預防意外。目前，電車公司與運輸署及警方商討及同意後，將再作兩項臨時措施，以進一步提升道路使用者警覺；並呼籲駕駛者駛經上址時，應加倍留意路況。
相關報道：灣仔車輛墮電車軌｜電車公司推兩措施提升司機警覺 籲駕駛者加倍留意
今早的士跌入電車路軌情況：
