有片｜食環署粉嶺執法爆衝突 遭男小販擸鐮刀怒罵：殺三幾個隨便！
發佈時間：16:55 2024-10-26
粉嶺聯和墟今日（26日）有小販與食環署職員發生衝突，其中一名男小販為阻止人員執法，竟拿起鐮刀並大叫：「我想點就想點...乜嘢唔敢膽呀！殺三幾個隨便！我唔斬你幾個我跟你頭」。現場氣氛一度緊張，人員亦多次反問男小販是否恐嚇公職人員，「斬我哋？講咩野呀！你係咪恐嚇！」
今日網上流傳一條長約3分鐘的影片，片段開首時見到數名食環署職員與一名中年女檔主在街頭位置拉扯一梳香蕉，未幾一名男檔主跑上前阻止。女檔主不斷大叫：「佢哋拉我呀！」，男子突然情緒激動，拿起放在地上的一把鐮刀，嚇得食環署人員喝止：「放低武器呀！搞咩呀！放低呀！你唔好咁樣呀！」。
男檔主未有理會，反而向對方破口大罵：「我想點就想點...乜嘢唔敢膽呀！殺三幾個隨便！你夠膽就嚟，我唔斬你幾個我跟你頭」。數名食環署人員立即上前反問男檔主是否恐嚇公職人員，「斬我哋？講咩野呀！成日喺度擺，仲話斬我哋，你係咪恐嚇！」
事件吸引多名街坊圍觀，但被食環署職員驅趕，其間一名食環署職員問兩檔主地上的生果屬於何人，但兩人支支吾吾否認，最終被食環署職員表示「唔係你哋嘅就行開」。片段就此結束，未知兩名檔主最終有否被票控。
警方表示，今日早上10時48分，食環署職員於粉嶺和滿街與聯安街交界向一名姓譚（64歲）水果檔女檔主票控，惟對方不合作，拒絕拿出身份證，食環署職員報警求助。警員到場調查，其後譚婦願意合作及出示身份證，她在搬運水果期間，報稱弄傷手腕及手指，須送北區醫院治理。警方將案件列求警協助及有人意外受傷。
食環署表示，小販事務隊今早10時30分在粉嶺和滿街及聯安街進行打擊無牌小販行動。行動中，人員拘捕一名涉嫌無牌販賣的女子，並檢取其貨物和工具。
食環署發言人對於人員執行職務時受恐嚇作出嚴正聲明，指
